Ada Rybachuk
| Ada Rybachuk | |
|---|---|
| Ladawan:Ada Rybachuk died 2010.png | |
| Kamundagan | 27 June 1931 Kyiv, Ukrainian SSR |
| Kagadanan | 22 September 2010 (edad 79) Kyiv, Ukraine |
| Nasyunalidad | Ukrainian |
| Trabaho | Artist |
| Midbid bilang | Murals |
| Agom | Volodymyr Melnychenko |
Si Ada Fedorivna Rybachuk (27 Hunyo 1931 - 22 Setyembre 2010) sarong Ukranyong muralista, pintor, eskultor asin arkitekto, Honored Artist kan Ukraine, miyembro kan National Union of Artists kan Ukraine, honorary member kan National Union of Cinematographers of Ukraine, honorary citizen kan Naryan-Mar. Kaiba niya sa trabaho an saiyang agom na si Volodymyr Melnychenko.
Biograpiya[baguhon | baguhon an source]
Pagkaaki asin edukasyon[baguhon | baguhon an source]
Si Rybachuk namundag kan 1931 sa Kyiv. Si Fedir Rybachuk, an ama ni Ada, personnel officer kan Soviet army, nag-agi sa gyera poon kan enot na aldaw sagkod sa pinakahuri. An iba man na kapamilya kinaipuhan mag-ebakwar sa Kazakhstan, kun sain si Ada nagtapos nin elementarya. Nag-adal sa Taras Shevchenko Art High School sa Kyiv, naggradwar na may pinakahalangkaw na onra asin nagresibi nin medalyang bulawan. Nag-adal siya sa Kiev State Art Institute, na pinanginotan ni Oleksii Shovkunenko.[1]
Kaiba kan ibang mga estudyante, nakisaro sa summer internship na pinangenotan ni Sergei Grosh sa Vylkove, na yaon sa delta nin Dunai. An mga pigmukna duman na mga kurit ipinahiling sa eksibit kan mga estudyante, na nagresulta sa inot nyang art order - an paggibo nin mga ilustrasyon para sa libro ni Dmitry Mamin-Sibiryak na “Reindeer Fairy Tales,” na ipinublikar sa parehong taon kan Youth Publishing House.[2]
Arte[baguhon | baguhon an source]
Poon kan 1954 pakatapos kan saiyang enot na biyahe sa Norte, si Ada Rybachuk asin an saiyang kapadis sa arte asin agom niyang si Volodymyr Melnychenko nagparabyahe nin nagkapirang ulit pasiring Norte. Sinda nag-istar ason nagtrabaho sa Norte nin maabot 7 taon. Sa laog kan panahon na ini sinda nagmukna nin dakol na graphic series asin linocuts, mga ilustrasyon para sa mga librong pang-aki manongod sa gayon kan Arctic asin buhay kan tawo sa Norte.
Kan 1957 natapos ni Rybachuk an sarong iskultura, an Shipboy, na nagpapahiling nin sarong hoben na nasa lubid na hagyanan na garo nagtatanaw sa dagat hali sa barko.[3] Kan taon na idto siya ginawadan kan medalyang pirak sa ika-6 na World Festival of Youth and Students.[4]
Nagpoon na magtrabaho si Rybachuk, Melnychenko asin an arkitektong si Avraam Miletsky sa sarong Park of Memory sa Kyiv. An Park of Memory yaon sa lokal na crematorium sa Baykoy Hill. An obra nagsakop kan hiwas na 2,000 square metres (22,000 sq ft) ini igwang magkapirang darakulang iskultura. Kan 1982 an saindang obra pigtahuban nin semento kan mga awtoridad. Kan 1988 naggibo an Israel Goldstein nin dokumentaryong The Wall manongod sa saindang masakit na kamugtakan asin sa kampanya ninda tanganing ibalik liwat an saindang obra.[5]
Si Rybachuk asin an saiyang agom nagtrabaho sa mahiwas na media, kaiba an saindang gibo sa Palace of Children and Youth sa Slavy Square asin sa Central Bus Station kan Kyiv.[6]
Mga Eksibit[baguhon | baguhon an source]
- Czechoslovakia (1957)
- United Arab Republic (1958)
- Finland, Hungary, Yugoslavia (1961)
- Italy (1962)
- Iraq (1963)
- Afghanistan (1964)
- Poland (1967)
- Norway (1993)
- USA (1977, 1995)[4]
Pagrumdom[baguhon | baguhon an source]
Nagadan si Ada Rybachuk kan 2010 sa Kyiv.
Kan 2013, naggibo si Volodymyr Melnychenko nin sarong eksibit kan mga obra ni A. Rybachuk sa National Academy of Visual Arts and Architecture sa Kyiv.[6]
[1] Kan 2019 nagkaigwa nin eksibit kan saiyang mga obra poon 1950s sagkod sa 1970s na nagtatampok nin mga imahen na natapos kaiba an saiyang agom. An mga disenyo inspirado kan pagkaaki asin an eksibit inapod na Island. An isla minarepresentar kan agwat sa tahaw nin pagiging hoben asin pagkagurang sagkod sa artista asin an saiyang mga tagasiyasat.[7]
Reperensya[baguhon | baguhon an source]
- ↑ 1.0 1.1 "Soviet Mosaics in Ukraine Rybachuk Ada". Soviet Mosaics in Ukraine (in English). Retrieved 2019-10-13.
- ↑ "Rybachuk Ada". UU Archive (in English). Retrieved 2020-10-09.
- ↑ "Ada Rybachuk (1931-2010) Shipboy. 1957". Soviet Art (in Russian). Retrieved 2019-10-13.
- ↑ 4.0 4.1 "Ada Fedorovna Rybachuk - Biography, Interesting Facts, Famous Artworks". Arthive. Retrieved 2019-10-13.
- ↑ "The Wall". travelling.docudays.ua (in English). Retrieved 2019-10-13.
- ↑ 6.0 6.1 Agrest-Korotkova, Svitlana (2013). "Fragments of Ada Rybachuk and Volodymyr Melnychenko's eternity". Archived from the original on 2019-10-13. Retrieved 13 October 2019. Unknown parameter
|url-status=ignored (help) - ↑ "Ada Rybachuk and Vladimir Melnichenko. Isle". Arthive. Retrieved 2019-10-13.
Literatura[baguhon | baguhon an source]
- Rybachuk A., Melnychenko V. The Cry of the Bird. II: Fragments. Kyiv: ADEF-Ukraine, 2000. P. 53.
- N. Horova. (2015). Artwork of the first “non-conformists” of the 1950s Ada Rybachuk and Volodymyr Melnychenko. Historiographic and source basis. Hudozhnia kultura. Aktualni problemy: research journal. Modern Art Research Institute of Ukrainian Academy of Arts. Issue 11. Kyiv, Feniks publ., pp. 84–95. (in Ukrainian)