Adolf Eichler
Si Adolf Eichler (Nobyembre 8, 1869 — Pebrero 5, 1911) sarong arkitekto sibil na Aleman. Bantog siya sa pagpatogdok kan Saviour's Church (sa edad na 24) asin an pagpartisipar niya sa paghaman nin mga boulevard, pareho sa Baku. Naghugot siya kan 1911.
Kaamayi kan buhay, pamilya[baguhon | baguhon an source]
Si Adolf Eichler namundag Nobyembre 8, 1869 ki Wilhelm Edward Eichler asin Yelena Elisabeth Eichler (née Govorko) sa banwaan kan saiyang ina, Oryol. An ama niya naghubo sa Baku mas amay pa, kan 1864. An mga tugang niya na si Wilhelmina Elisabeth (1866) asin si Victoria Valentina (1870) namundag pareho sa Baku.[1] Pakagadan kan ama niya kan 1891 sa edad na 66, an saiyang edukasyon pinag'asumir na kan tatahon niya na si Karl-Edward. Isinubol siya sa St.Petersburg ngane magkua nin mas halangkaw na adal.[1]
Sa paggurang[baguhon | baguhon an source]
Saro sa enot na mga obra niya iyo an edipisyong eskwelahan sa kalye Suraklhani (ngonyan, Dilara Aliyeva) kan 1892.An saiyang tatahon na si Karl Edward nakadisponer nin sarong palna' na lote para sa Lutheran Society nin Baku kan 1877. Saro sa benefactor kaini iyo an pamilyang Nobel. Sa loteng idto, si Eichler tinogdok an Saviour's Church kan 1899 na an desenyo sa Gothic Aleman.[2] Iba pa niyang proyekto iyo an Ashumov's Mosque na sarong moskeng abang gayon pagkagibo.
Toltolan[baguhon | baguhon an source]
- ↑ 1.0 1.1 "Т. Гумбатова А. Эйхлер-архитектор Кирхи в Баку (Тамара Гумбатова 2) / Проза.ру". www.proza.ru. Retrieved 2016-06-25.
- ↑ Fatullayev S.S, Ismayilov L.I. / Artistic shape of Baku at the turn of XIX-XX centuries in the works of German origin Architects - Proceedings of the First Scientific Conference "Caucasian Germans - Germans in the Caucasus before the First World War." - Baku, Elm, 2001.
