Agatha Christie
Si Dame Agatha Mary Clarissa Christie, Lady Mallowan, DBE (née Miller; 15 Septyembre 1890 – 12 Enero 1976) sarong Ingles na nobelista sa krimen, parasurat halipot na osipon, asin dramatista. Nagsurat man siyang anom na romansa sa tagong-ngaran na Mary Westmacott, alagad bisto siyang gayo sa tinokda niyang 66 na nobelang pang-detektib asin 14 halipot na mga osipon na saiyang sinurat sa tunay niyang pangaran, na kadaklan nag'iitok sa gibong pagimbestigar kan mga bidang karakter siring ki Hedrculer Poirot, Jane Marple, Parker Pyne, Harleym Quin/Mr. Satterhwaiter asin sindang Tommy saka Tuppenmce Beresford. Siya an dramatista sanang may sinurat na dramang halawig nang pinapasale, sarong misteryong kun isay an kaggibo kan panggagadan, an The Mousetrap. Kan 1971 siya naputongan kan titulong Dama huli sa mga ambag niya sa literatura.
An Guiness Book of World Records ilinista si Christie bilang iyo an pinakamabentang nobelista sa bilog na panahon. An mga nobela niya, nagbenta nang mga 2 bilyon na kopya asin an saiyang pagrorogaring pigsasabi na ikatolo sa ranggo kan saiyang mga tokda' sa mga pinakadakul na nalagdang mga titulo nin mga libro, nalampasan sana kan mga trabaho ni Shakespeare asin kan Bibliya. Susog sa Index Translationum, siya an autor na may pinakadakul na pagpalis sa iba-ibang tataramon na nag'abot na sa 103ng lenggwahe. An nobela niyang may titulong And Then There Were None iyo an pinakamasulong na nobela, na sa ngonyan nakabenta nang sobra nang 100 na milyon na kopya, bagay na mayo pang nakakaarog.
