Agueda Esteban

Agueda Esteban
Kamundagan	Pebrero 5, 1868 Binondo, Manila, Filipinas
Kagadanan	Septyembre 1944
Trabaho	representante kan Katipunan

Si Aguda Esteban (Pebrero 5, 1868 - Setyembre 1944) sarong rebolusyonaryong Filipina. Nagtrabaho siya para sa mga parapakilaban nin Katipunan asin nagdara nin materyales hali sa Manila tanganing gumibo nin mga pulbora nin badil asin bala, na dinara niya sa saiyang agom sa Cavite. Kan magadan an enot niyang agom, si Mariano Barroga nin Batac, nagpakasal siya ki Gen. Artemio Ricarte.

Namundag sa Binondo, Manila, siya an ikaduwang aki ni Ambrosio Esteban, sarong propiong taga-Ligao asin Francisca de la Cruz kan Cainta, Rizal. An saiyang mga magurang nagbalyo sa Binondo pagkatapos kan saindang kasal. Sa Binondo, si Agueda asin an saiyang tugang na lalaki asin babae tinukdoan ni "Maestrang Bulag" na nagpapabakal nin mga dahon nin ikmo asin tabako. Gikan sa sarong pobreng pamilya, naglaog siya sa eskwelahan para sa mga daragita sa irarom kan mga pagmamahala ni Donya Vicenta de Roxas. Siya nagin matibay na paraadal kaya nakamtan niya an paggalang kan saiyang maestro, mga magurang asin nangurog na ni Donya Vicenta.

Pinakasalan nia si Maria Barroga nin Batac, Ilocos Norte na iyo an aldodo sa harong kan aking lalaki ni Dona Victa. Igwa sinda nin tolong aki, si Catalina, Adriana asin Anastia.

Katipunan

An saiyang agom uminiba sa Katipunan asin igwang gahang "Tungkod". Siya an pinamahala sa mga rebolusyonaryo sa San Juan del Monte, Montalban asin Marikina. Kan huri, ibinalyo siya kaiba kan saiyang pamilya hali sa Manila pasiring sa Tangos, Cavite, Cavite.

Tinabangan ni Aguda an saiyang agom sa rebolusyonaryong mga aktibidad kaini. Nagbiyahe sinda sa pag-ultanan kan Manila asin Cavite tanganing kumua nin materyales para sa ammunisyon na gagamiton kan mga Filipino. An saindang mga aktibidad dai naririsa kan mga awtoridad sagkod sa natapos an inot na kabtang kan rebolusyon kadungan kan Laban kan Biak-na-Bato.