Al Capp

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Al Capp
Al Capp at 1966 Art Festival in Florida.jpg
Self-portrait
KamundaganAlfred Gerald Caplin
(1909-09-28)Septyembre 28, 1909
New Haven, Connecticut
KagadananNobyembre 5, 1979(1979-11-05) (edad 70)
South Hampton, New Hampshire
NasyunalidadAmerican
TrabahoKarikaturista, satirist, radyo asin komentarista sa telebisyon
AgomCatherine Wingate (Cameron) Capp (1932–1979; sa saiyang pagkagadan)
Mga akiJulie Ann Cairol, Catherine Jan Peirce, Colin Cameron Capp (inampon)

Si Al Capp (Septyembre 28, 1909 - Nobyembre 5, 1979) sarong Amerikanong karikaturista asin humorista. Siya bantog sa mga karakter na saiyang minukna sa sarong comics strips na iyo sinda Li'l Abner (1940), Li'l Abner (1959) asin Fearless Fosdick (1952). Namundag sa New Haven, Connecticut, Estados Unidos sa pangaran na Alfred Gerald Caplin, an saiyang bansag na pangaran na 'Al Capp' kalipotan mansana kan saiyang pangaran sa pagkamundag. An napangagom niya iyo si Catherine Wingate Cameron.[1]

An saiyang comic strip na Li'l Abner, na saiyang minukna kan 1934 asin ta an saiyang pagguhit sa karton nag'abot taon 1977. Saiya man na sinurat an comic strips na Abbie an' Slats (poon taon 1937-45) asin an Long Sam (1954). Naiiba an saiyang mga karakter sa komiks ta pinakaenot ining karakter na binase sa buhay-buhay sa parteng Habagatan kan Amerika. An saiya man na mga karakter nagtutuyaw asin nanunuya' sa mga hiro-hiro kan mga pulitiko asin mga popular na mga pigura sa sosyedad nin Amerika. Sa kahurihi, an mga ini naglaladawan kan mga kaluyahan asin mga pagkukulang kan persona o tawo en heneral.[2]

Halawig an saiyang karera bilang karikaturista, labing 43 taon, asin an saiyang mga sinurat na karton nakakaabot sa 60 milyon na mga parabasa nin sobrang 900 na mga peryodikong Amerikano asin 100 na man na mga dyaryo sa luwas sa 28 nasyon. Sinasabi ni Thomas Inge na nagkayaman na husto siya bilang kartonista asin hararom an impluensya niya sa kinaban kun ano an panana'naw kaini sa Amerikang Habagatan. Sa kagasgasan kan Li'l Abner, mga 70 milyon na Amerikano an nagbabarasa kaini manta kaidto igwang populasyon an Amerikla nin 180 milyon. Mala ta igwa ngane nin comedy adaption musikal kan strip kan 1956, asin sarong pelikula batay sa istorya kan Li'l Abner an ginibo pa. [3]

Mga babasahon[liwaton | liwaton an gikanan]

  • [4]Li'l Abner's Al Capp: A Monstrous Creature, a Masterful Cartoonist
  • [5]A Life to the Contrary.

Toltolan[liwaton | liwaton an gikanan]

  1. [1]www.imdb.com. Kinua 10-18-18
  2. [2]www.printmag.com. Kinua 2018-10-18
  3. [3]bridgeport.ct.schoolwebpages.com. Kinua 2018-10-18