Alassane Ouattara

Gikan sa Bikol Sentral na Wikipedia, an talingkas na ensiklopedya
Si Alassane Ouattara,kan 2002

Si Alassane Dramane Ouattara (Pakasayod sa Pranses:: [alasan wataʁa], Arabo الحسن وطرة Arabong pagsayod: [ælħæsæn uːɑtˤɑrɐ]; namundag, Enero 1 1942) sarong Ivorianong pulitiko asin iyo an Presidente kan Rally of the Republicans (RDR), sarong Ivorianong partido pulitika. Siya an nagin kandidato sa eleksyon presidensyal kan 2010, kun saen siya an saro sa duwang nagguno nin pinakahalangkaw na boto sa enot na borotohan. Sa ikaduwang botohan, an nakahampang niya iyo si Laurent Gbagbo. Alagad, an duwa pareho naghihinako na iyo an nanggana sa ikaduwang botohan asin pareho nagsumpa bilang presidente kan Cote d'Ivoire. An komunidad internasyonal binibisto na si Ouattara an talagang totoong nanggana pero si Gbagbo matagas na naninindogan na siya pa an nagggana. An pangyaring ini nagsabrit nin gera sibil sa sub-Saharang Aprikanong nasyon na ini. An pwersa ni Ouattara nasakop an kabilogan kan banwa asin sa presente si Gbagbo natatalikopan na sa saiyang residensya sa kapitolyo kan Abidjan.

Si Ouattara iyo an nombradong Primer Ministro kan Cote d'Ivoire poon Nobyembre 1990 sungdo Desyembre 1993 sa irarom kan konstitusyon na pinapasunod kan panahon na idto; siya nanombrahan kan si dainang Presidente Felix Houphouet-Boigny. Si Ouattara sarong teknokrata asin nag'adal bilang ekonomista, nagsirbe sa lindong kan International MOnetary Fund (IMF) asin sa Central Bank of West African States (French: Banque Centrale des États de l'Afrique de l'Ouest, asin kan Banco Central de los Estados de África Occidental (BCEAO).

Si Ouattara namundag sa Dimbokro, Cote de 'Ivoire. An saiyang ama sinsusog an dugo sa tribu nin Burkina Faso, bagay na iyo an nagin kaulangan pagdalagan niyang duwang beses komo kandidato sa pagkapresidente. Nagtapos siya sa kolehiyo sa Drexel Institute of Technology, Philadelphia, Pennsylvania. Nakua niya man an Master's degree kan 1967 asin kan saiyang Doktorado sa Economics kan 1972 sa University of Pennnsylvania.