Alex Lacson
Si Alexander Ledesma Lacson (namondag Enero 5, 1965, sa Kabankalan, Negros Occidental) iyo sarong Filipinong sikat na awtor nin mga patriyotikong libro, pararawit-dawit, abogado, negosyante, lider nin komunidad, asin lider nin NGO. Pinakabistado siya bilang an awtor kan mga sikat na librong "12 Little Things Every Filipino Can Do to Help Our Country,[1] "Five Hundred Years Without Love", asin an rawit-dawit na "I am Filipino", sagkod an pagdalagan para senador sa eleksyon kan 2010.[2]
Namondag si Lacson kan Enero 5, 1965, sa barangay nin Pinaginpinan sa Kabankalan, Negros Occidental, an ikaanom sa walong magturugang. Pakatapos kan saiyang hayskul kan 1982,[3] nakakua si Lacson nin bilog na iskolarship sa Philippine Military Academy sa Baguio. Nag-adal siya duman nin tolong taon bago nagbalyo sa Unibersidad kan Pilipinas Diliman (UPD), kun sain niya naguno an batsilyer na degri niya sa political science kan 1991. Para matugonan an siyang paggasto sa saiyang pag-adal sa UPD, nagtrabaho siya bilang asistante nin sarong propesor sa pagkaaga asin bilang sarong telemarketer sa pagkabanggi. Nakakakua man siya nin tabang hali sa saiyang tugang na babayi na nagtatrabaho sa Hapon.[3] Kan nakalaog na siya sa University of the Philippines College of Law, nagdesisyon siya na magtrabaho nin bilog sa pagkaaga asin mag-adal sa pagkabanggi; nagtapos siya kan 1996.[4]
Toltolan[baguhon | baguhon an source]
- ↑ "About Atty. Alexander "Pinoy" L. Lacson: Speaker, Author, Lawyer, Father". alexlacson.net. Retrieved February 5, 2010.
- ↑ Michael Lim Ubac (November 28, 2009). "LP, NP bare senatorial candidates". The Philippine Daily Inquirer. Archived from the original on November 30, 2009. https://web.archive.org/web/20091130031413/http://newsinfo.inquirer.net/inquirerheadlines/nation/view/20091128-238884/LP-NP-bare-senatorial-candidates.
- ↑ 3.0 3.1 Ledesma, Marsha (August 2009). Living From The Heart: inspiring stories by successful people. Globetrotting Lens. ISBN 971-93784-2-5.
- ↑ Lacson, Alexander L. (2005). 12 Little Things Every Filipino Can Do to Help Our Country. Quezon City, Philippines: Alay Pinoy Publishing House. 971933570X.
