Jump to content

Alexander Baerwald

Gikan sa Bikol Sentral na Wikipedia, an talingkas na ensiklopedya
Si Alexander Baerwald
Saro sa obra niya an edipisyo kan Israeli National Museum of Science, Technology and Space.

Si Alexander Baerwald (Marso 3, 1877 – Oktobre 27, 1930) sarong Hudyo-Aleman na arkitekto bantog sa mga obra niya sa Haifa, Israel.

Karera asin buhay[baguhon | baguhon an source]

Namundag sa Berlin, Alemanya kan Marso 3, 1877 siya nag'adal sa Technische Hochschule Charlottenburg (1897-1901) asin sa Technische Hochschule kan Munich. Siya an nagmanehar pagpatogdok kan Prussian Royal Library (Aleman: Königliche Bibliothek), sa Berlin pag'oltan 1908 asin 1913, na ngonyan iyo na an House I kan State Library of Berlin of Prussian Cultural Heritage (Aleman: Staatsbibliothek zu Berlin - Preußischer Kulturbesitz), sa Kalye Unter den Linden. Kan 1912 naghubo na siya sa Haifa kan Ottoman Palestine ta duman na siya nagtrabaho.

Si Baerwald pigdesenyo man an kampus kan Technion University sa Haifa, Israel pag'oltan 1912 and 1924, na ngonyan an unibersidad na ini parte na kan Israel National Museum of Science, Technology, and Space. Duman nagin siyang Propesor sa Arkitektura haros kan huri nang kabtang kan saiyang buhay. Sinasabing dakula an ambag niya sa disiplina akademiko Pruso sa nasyon na idto.

Kan 1915 tinogdok niya an moshav kan Merchavya nag'ayog sa saiyang desenyo. Kan 1924, pigdesenyo niya an Anglo-Palesgtine Bank na ngonyan inaapod nang Bank Le'umi Le-Israel. Dakul pa siyang pigdensenyong mga edipisyo sa Palestine. Kan 1925 duman na siya permanenteng nag'estar. Igdi siya nabantog bilang saro sa nagdara kan arkitektura akademiko sa nasyon na idto. Kahurihan kan 1920, saiyang pigdesenyo an Central Hospital sa Afula asin kan Philips House sa Haifa kan 1928 bago siya nagadan.

Toltolan[baguhon | baguhon an source]