Alexandr Ulyanov

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
si Alexandr Ulyanov


Si Alexandr Ilyich Ulyanov (Ruso: Алекса́ндр Ильи́ч Улья́нов; Abril 12, 1866 – Mayo 8, 1887) sarong Rusong rebolusyonaryo. Siya an matuang tugang ni Vladimir Lenin. Inaapod man siya sa padabang gaha' na Sasha.[1]

Edukasyon[liwaton | liwaton an gikanan]

Si Ulyanov nagtapos sa Kolehiyo nin Simbirsk kan 1883 na may onra asin nag'entra sa Unibersidad nin Petersburg kun saen siya nagmajor sa Natural Sciences. Igdi nagkamit siyang medalyang bulawan sa zoology. Alagad, nagpoon na siyang magpartisipar sa mga tiripon na ilegal asin demostrasyon imbwelto sa mga pagdenunsya sa gobyerno. Kan 1886, nagmyembro siya sa sarong grupong terorista na nagsalida sa partidong Narodnaya Volya. Siya an kagmukna kan mga programa igdi na pigtotolod Marxismo. Tinutubod niyang an paglaban sa autokrasiya, terorismo an saro sa paagi nin pakikipagtusay.[2]

Binitay[liwaton | liwaton an gikanan]

Si Ulyanov asin saiyang pag'iriba nagplanong asasinaron si Alexander III, an Emperador kan Rusya. Kan aldaw nin Marso 1, 1887, tolo kan saiyang kairiba natoklo sa sarong inuman kun saen nagtiripon an mga nag'aabang sa emperador na an huri dai man ngani nagluwas kan Pebrero 28 ta sinabihan diyan lang siya sa Palasyo Winter ta an pulis may suspetsa nang igwang mangata' sa buhay niya. An pulis ogaring sinundan si Andreiushkin na haloy na nindang pigmamanmanan kan ini magduman man sa inuman ta nakitagbo sa mga kairiba. Gibo kaini, naaresto man si Ulyanov, na iyo an hutok kan grupo asin tagagibo kan bomba, asin an iba pang kakomplot niya. Kan Mayo 8, siya asin sinda Pakhomiy Andreiushkin, Vasili Generalov, Vasili Osipanov asin Petr Shevyrev binitay sa Shlisselburg.[3][4][5]

Toltolan[liwaton | liwaton an gikanan]

  1. [1]spartacus-educational.com. Kinua 21-02-18
  2. [2]spartacus-educational.com. Kinua 21-02-18
  3. [3]spartacus-educational.com. Kinua 21-02-18
  4. [4]holodomorinfo.com. Kinua 21-02-18
  5. [5]assasinscreed.wikia.com. Kinua 21-02-18