Alice Bush

Si Alice Mary Bush (7 Agosto 1914 - 12 Pebrero 1974) sarong payunir na taga-New Zealand na babaeng doktor, pediatrician asin aktibista para sa mga serbisyo sa pagplano sa pamilya asin pag-aborsyon .

Karera sa Medisina

Si Alice Stanton namundag kan 1914 asin naglaog sa Otago Medical School sa Unibersidad nin Otagoo, Dunedin, kan 1933, asin tinapos an saiyang MB asin ChB kan 1937. Ninombrahan sya bilang Resident sa Auckland Hospital kan 1938. Nagbali sya sa mga medikal na tawihan sa Auckland's Truby King Karitane Hospital and Mothercraft Care facility kan 1940, asin nagpadagos sa siring hasta na sya magadan.

Kan 1940s, nakabali sya sa mga pulitika sa medisina. Kapwa kagsurat sya kan dokumentong nagrerekomendar sa A National Health Service (1943) para sa New Zealand, asin makalihis kaini naagom nya man si William Bush kan 1940. Nagsirbi sya bilang Sekretaryo (1945–1946) asin Presidente (1948, 1953) kan Auckland branch kan New Zealand Medical Women's Association. Nagbali man sya sa Royal Australasian College of Physicians (1946) asin nagin fellow sa parehong organisasyon, asin inot na babaying makagibo kaini (1955). Kan 1947, nagpasiring man sya sa London asin nagin doktor sa Hospital For Sick Children, bago magbwelta sa New Zealand kaiba an saiyang agom, kun sain nagtabang sya sa pagmukna kan Pediatric Society of New Zealand sa pareho man na taon.

Pagplano kan Pamilya asin Aktibismo sa Aborsyon

Sa katapusi kan 1940s, nagi man syang imbwelto sa New Zealand Family Planning Association asin nagtabang sa pagpakarhay kan organisasyon na kaidto ngani kontrobersyal, huli sa pagsasapubliko asin pagdidistribwer nin mga kontraseptibo. Nagsirbi sya sa board kaini (1947) asin nagtukaw sa medical advisory committee (1960), bago nagin liaison sa New Zealand Medical Association bago mag apruba an New Zealand sa pagpapanao nin mga kontraseptibo (1961). Naisurat man an mga nahaman nyang ini sa kasaysayan kan Family Planning Association asin an kagsurat man kan saiyang biograpiya na si Faye Hercock nagsabi na pigtawan nya nin duon an backstreet abortion asin an pagigin konserbatibo kan saiyang mga kairibang lalaki sa ligal asin baratong aborsyon sa New Zealand. Paghaloy-haloy, napapusog man ni Alice an saiyang posisyon asin nagin saro sa mga kagmukna kan Abortion Law Reform Association of New Zealand. Kan sya magadan, kan 1974, an Auckland Medical Aid Centre nagbukas man asin nagtao ini nin libreng abortion clinic asin primero ini sa New Zealand.

Bibliograpiya

• Alice Bush et al.: A National Health Service: Wellington: Progressive Publishing: 1943.
• Faye Hercock: Alice: The Making of A Woman Doctor: 1914–1974: Auckland: Auckland University Press: 1999: ISBN 1-86940-206-5.
• Helen Smythe: Rocking the Cradle: Contraception, Sex and Politics in New Zealand: Wellington: Steele Roberts: 2000: ISBN 1-877228-16-8.