Alice San Andres-Calleja
Si Alice San Andres-Calleja sarong Bikolana asin Naguena, dating English asin Speech Teacher sa Colegio de Santa Isabel (ngonyan, Universidad de Santa Isabel) kan mga taon 1960-70 asin nagin imigrante sa Santa Barbara City, California, Estados Unidos.[1]
Siya duman sa Santa Barbara City nagmukna nin sarong peryodiko (2008), an Santa Barbara Mesa, kun saen an mga tampok iyo an mga bareta, mga pangyayari asin mga aktibidad sa siyudad nin Sta. Barbara na nagin babasahon na gayo kan komunidad. An peryodiko naluwas bulanan asin itinataltag sa sobrang 200 na mga lugar arog kan mga mall, tindahan, eskwelahan, asin mga opisina. Siya aktibong marhay sa mga kasiribotan sa komunidad asin sa mga trabahong sibiko mala ta siya napili bilang saro sa inaapod na "The Independent's Local Heroes 2009" [2]
Kan magsara ngonyan na taon (2023) an Sta. Barbara News-Press Printing, kun saen an nasabing peryodiko ini-imprenta, siya napiritan isara naman an saiyang peryodiko gibo kan sobrang mahal kun ini ipatrabaho sa imprentahan luwas kan Sta. Barbara.
Siya dinuholan nin komendasyon asin pagmimidbid kan saiyang proyekto sa pagtugdas nin peryodiko kan Sta. Barbara City Council.[3]
