Aloe vera

Gikan sa Bikol Sentral na Wikipedia, an talingkas na ensiklopedya
An nakamaseterang Aloe vera
Burak nin Aloe vera

An aloe vera o dilang-buaya ([1] (/ˈæloʊiː/ or /ˈæloʊ/) sarong malumoy asin matubig-tubig na tinanom sa species sakop kan genus Aloe. Gikan in sa Peninsula Arabia alagad nagtutubong layas sa klima tropikal sa bilog na kinaban asin inaataman huli sa kahalagahan kaini sa agrikultura asin sa medisina. Inaataman man ini bilang pan-ornamental asin pwedeng itanom sa masetera sa laog nin harong.

An aloe vera makukuang gamit sa mga produktong pangkonsumidor arog kan panlahid sa kublit, inomon, cosmetic, panghaplas sa mga sulong-kublit o bungang-saldang. Totoo, an mga karahayan dulot kaini sa medikal dai pang gayong nag'agi sa adal nin syensia.[2]Ini nakuang marayrahay na panlimogmog, orog na idtong may raot na ngipon, maray man sa nagtutubol asin pwedeng makabangga sa paglakop kan kanser sa suso.[3]

Deskripsyon[baguhon | baguhon an source]

An aloe vera daing paklang o olnok siya sa poon asin nagdadakul an dahon paagi nin pagsoroknong paluwas sa poon kaini. Nalangkaw an mga mapanas asin gari'gion na dahon kaini mga 60-100 sentimetro (24-39pul). An mga dahon mahibog, malomhok, matagok o matubig sa kudot, kolor berde, na an ibang klase may butik-butik na puti, asin kun tig-init naburak sa halabang togod na kun saen karalay-kalay na, saka giyaw-narangha an kolor.[4]

Toltolan[baguhon | baguhon an source]

  1. dilang-buaya. Adrados, Jerry Escoto. Daratangan Na Olay. Common Language of the Bikolnon. Other Option Promotions. Tabaco City. 2012. p. 101. ISBN 978-971-95468-0-1
  2. [1]www.webmd.com. Kinua 10-01-2018
  3. [2]www.healtrhline.com. Kinua 10-0o1-2p018
  4. [3]food.ndtv.com. Kinua 10-01-2018