Jump to content

Amrita Sher-Gil

Gikan sa Bikol Sentral na Wikipedia, an talingkas na ensiklopedya
Amrita Sher-Gil
Sher-Gil nakabado sa de garbong sulot, may mga alahas
Sher-Gil kan 1936
Kamundagan(1913-01-30)30 Enero 1913
Budapest, Kingdom of Hungary
Kagadanan5 Desyembre 1941(1941-12-05) (edad 28)
Lahore, Punjab, British India
Nasyunalidad
Edukasyon
Midbid bilangPagpintura
AgomViktor Egan

Si Amrita Sher-Gil (30 Enero 1913 – 5 Desyembre 1941) sarong Hunggaro-Indyanong pintor. Siya naapod na "saro sa pinakadakulang avant-garde na babaing artista kaamayan kan ika-20ng siglo" asin tagapoon kan modernong Indyanong arte. Amay pa naagkay sa pagpintura, si Sher-Gil nagpoon pormal na pag'adal sa pagpintura sa edad na walo. Siya naka-ani tolos nin pagmidbid sa edad na 19, para sa pintura niyang oil painting Young Girls (1932). Si Sher-Gil pigladawan ordinaryong aro-aldaw na buhay nin mga tawo sa saiyang mga pagpintura.[1][2]

Si Sher-Gil nagbyahe bilog na buhay niya sa manlaen-laen na nasyon siring kan Turkey, Pransya, asin Indya, mantang nagguguno nin mga arogan sa prekolonyal na arteng Indyano asin sa kontemporaryong kultura. Si Sher-Gil konsideradong sarong importanteng pintor sa ika-20ng siglong Indya, na saiyang legasiyang nawalat makapantay sa mga kagporoon sa Renasimyentong Bengal. Siya saro man na maigot na parabasa asin pyanista. An mga pintura ni Sher-Gil ngonyan iyo an pinakamahal sa mga babaing pintor na Indyano, dawa totoo dikit an nagbibisto saiya kan siya buhay pa. [3][4]

"Painting sleep"(1932), National Gallery of Modern Art, Delhi

Kaamayi nin buhay/edukasyon[baguhon | baguhon an source]

Si Amrita Sher-Gil namundag kan 30 Enero 1913[5] sa Budapest, Hunggariya,[6] ki Umrao Singh Sher-Gil Majithia, sarong Indyanong Punjabi Sikh na aristokarata gikan sa Majithia na pamilya asin iskolar sa Sanskrito asin Persa, asin Marie Antoinette Gottesmann, sarong Hunggaro-Hudyo parakanta sa opera na gikan man sa mayaman asin burges na pamilya.[7][8]An saiyang mga magurang nagkatagboan enot kan 1912, kan si Marie Antoinette nagbibisita sa Lahore.[7] An ina niya nagpasiring Indya komo kaiba ni Prinsesa Bamba Sutherland, an makuapo ni Maharaja Ranjit Singh.[9][10] Si Sher-Gil iyo an matua sa duwang aking babae; an nguhod niya iyo si Indira Sundaram (née Sher-Gil; namundag Marso 1914), ina kan kontemporaryong artista na si Vivan Sundaram. Siya haros kaamayi kan saiyang buhay nag'estar sa Budapest.[7]

Siya an sobrina kan Indologong si Ervin Baktay. Si Baktay nareparo an saiyang talento sa arte kan an huri nagbisita ki Shimla kan 1926 asin nagin tagaanduyog na si Sher-Gil magkua nin karera sa arte.[8] Pinaggiyahan niya si Sher-Gil paagi kan pagtutuyaw kan saiyang trabaho asin tina'wan siya nin pundasyon akademiko na iyo an pusog na edukasyon na saiyang pinu'nan. Kan siya hubin pang daragita pinipintura niya saindang mga katabang sa harong asin inaalok niya sindang magin modelo niya.[11] An mga rurumdomon na ini iyo an nagtolod saiya na magbalik sa Indya.[12]

Mga panluwas na takod[baguhon | baguhon an source]

Toltolan[baguhon | baguhon an source]