An Sakong Tinanom

Gikan sa Bikol Sentral na Wikipedia, an talingkas na ensiklopedya

AN SAKONG TINANOM

Nagtanom ako nin batag
sa tongod kan sakong natad
kan dakul na si sapad
dakul na man an nagtatangad.
Pero kaidtong sadit pa
kulang dahon mayong bunga
boot nang tagaon ninda
ta mayo daing halaga.
An ibang tinanom ko
mga rosas asin lirio
kan mga sadit pa idto
ako an nagacercaso.
Pero kaso dakula na
mga burak mahamot pa
dakul na an nagbibisita
huli ta may halaga na.
Iyan halimbawa baga
kan kadaklan kan daraga
kan sinda mga aki pa
mayo pa man nageentra.
Pero kaso ominabot
kagayonan masoripot
dakul an namomoot
huling mahoyo an boot.