Andrea Bocelli

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Andrea Bocelli


Si Andrea Bocelli (Lajatico, Pisa, Italia; 22 Septyembre 1958) sarong tenor, músiko, parasurat asin tagamukna nin musikang italyano. Siya nakahaman sampolong sangkap na opera (Andrea Chénier, Carmen, Cavalleria Rusticana, Il Trovatore, La Bohème, Manon Lescaut, Pagliacci, Roméo et Juliette, Werther asin Tosca), kaiba diyan an pop asin klasikal na musika, tolong suminikat na album, na an mga ini nagbentang sobrang 80 milyon na plaka sa kinaban. Sarong parakanta na mahusay, nadara niya an musika klasikal sa pinaka'alitoktok kan internasyunal na talaan kan musikang pop.

Mga album nakamit an alitoktok sa mga listahan nin musika[liwaton | liwaton an gikanan]

Kan 1998, napili siyang saro sa People's 50 Most Beautiful People (50 Pinakamagagayon na Tawo Pinili kan Banwa). Kan 1999, siya nanominar na Pinakamahusay na Bagong Artista sa Grammy Awards. An saiyang "The Prayer", duet niya ki Celine Dion para sa animadong pelikulang Quest for Camelot, guminana kan Golden Globe for Best Original Song asin ta ini nanominar para sa Academy Award sa parehong kategorya. Kan mapaluwas an saiyang klasikal album, Sacred Arias, si Bocelli nasikwit an pagtatala niya sa Guinness Book of World Records manta na kapot niya an tolong pinakahalangkaw na posisyon sa US Classical Album na talaan. Pito kan saiyang mga album naabot na an talaan sa 10ng pinakamasulong sa Billboard 200, asin sampolo kaini, nagkurit nin bagong rekord ta nangengenot pa man sa manlaen-laen na talaan kan musika sa Estados Unidos.

Sa 5 milyon na plaka nabenta sa bilog na kinaban, an Sacred Arias nangyari iyo na an pinakamasulong na album sa iba-ibang kategorya nakamit sana nin solong artista sa enterong panahon, na sobra sa 20 milyon na kopya an nabenta na, manta an saiyang 1997 pop album Romanza nagin pinakamasulong na album nin sarong Italyanong artista sa arinman na genre sa historya nin musika, asin man pinakamabentang album nin sarong dayuhan na artista sa Kanada, asin sa magkapira pang mga nasyon sa Europa asin sa Latin Amerika. An enot kaining single, "Time to Say Goodbye" sarong duet ninda na Sarah Brightman na naghugpa sa pinakataas kan talaan sa enterong Europa, kaiba an Alemanya, kun saen nagpirmi sa alitoktok kan talaan sa laog nin katorseng sunod-sunod na semana, na nagpasa' kan rekord mananggad sa bentahan ta sobra sa tolong milyon na kopya an napabakal sa nasyon na ini. An single na ini nagpadagos na makabenta nin labi sa 12 milyon na kopya sa kinaban, na mangyari ini na an pinakamasulong na single sa gabos na panahon.


Si Bocelli ginawgaw an bitoon ikakaag sa Hollywood Walk of Fame

Kaamayan kan buhay[liwaton | liwaton an gikanan]

Si Bocelli pinangaki ki Alessandro asin Edi Bocelli dawa ngane sinda pigtaraman na dai na ipadagos an pagbados kaini. An desisyon kan saiyang ina na ini iyo an nagpapusog kan saiyang paninindogan laban sa aborsyon asin kamping-buhay an saiyang pigkukugos na pagtubod. An pamilya yaon sa saindang oma-oma, nagbebentang makinaryang pang'oma asin naggigibong arak na pinapabakal ninda sa sadit na baryo nin La Sterza, sarong frazione nin Lajatico, Tuscany, Italy, mga 40 km (25 mi) an rayo subangan kan Pisa. An ina niya asin ngohod na tugang na si Alberto yaon pa nag'eestar sa dating lugar, asin an ama niya nagadan kan taon 2000.

Kan siya aki pa, nagpahiling na siya nin agit-agitan na pagkamoot sa musika. An sabi kan saiyang ina, musika sana nanggad an nakakaaling asin nakakaranga saiya. Sa edad na 6, nagpoon na siyang leksyon sa pagpyano, asin ngapit, nag'adal nang pagkawat sa flauta, saxophone, trumpet, trombone, gitara asin bombo. Dangan kan siya tinawan kan saiyang yayang si Oriana kan saiyang enot na rekord ni Franco Corelli duman niya napaggamiaw na an karera bilang sarong tenor iyo an saiyang kaaabtan. Kan nag'eedad na siyang pito, saiya nang nabisto an mga bantogan na tingog kan panahon asin pighingoa niyang maarog an mga interpretasyon kan saindang pag'awit.

Si Bocelli sibot na gayo poon pagkani'aki niya na magkanta. Nagtao siyang kan enot niyang konsyerto sa sadit na banwa bakong harayo sa namundagan niya. Sa edad na 14, ginana niya an pinakaenot na premyo niya sa patiribiyan nin kanta, na an saiyang inawit iyo an Margherita d'Oro sa Viareggio kan "'O sole mio". Kan matapos niya an sekundarya kan 1980, siya nag'adal abogasya sa Unibersidad nin Pisa. Ngane makaademohan lamang, siya nagkakanta kun banggi sa mga bar. Natapos niya an pag'eskwela asin nagtrabaho nin sarong taon bilang nombradong abogado sa korte. Igdi niya nasumpongan an saiyang maaagom, si Enrica.


Pagkabuta

An mga doktor pinagholitan an mga magurang ni Bocelli na dai na ipagpadagos an pagbados saiya ta batay sa saindang mga adal igwang posibleng kadi'nan an dadarahon kan aki pagkaini namundag. An mga Bocelli nagsayuma asin dai nagtubod. Kan siya i'aki na, hayag na igwa talagang kakundian sa mata an omboy na si Andrea; pakatapos pagkonsulta sa magkapirang doktor, natantos na siya igwang helang sa mata na inaapod na congential glaucoma, pagkani'aking pagluwayluway na pagwawara kan paghiling. Sa edad na 12, taon 1970, siya nalagarto sa mata kan bola sa sarong kawat kun saen siya an goalkeeper asin ta nagkaigwa nin pagdudugo sa saiyang hutok; an mga doktor ginamit pa an mga linta sa ultimong pagkaramaskamas na maligtas an saiyang paghiling alagad mayong nangyari. Siya dagos na nabuta na.

Diskograpiya[liwaton | liwaton an gikanan]

Plantilya:Col-2

Studio album[liwaton | liwaton an gikanan]

Compilation album[liwaton | liwaton an gikanan]

Live album[liwaton | liwaton an gikanan]

Extended Play[liwaton | liwaton an gikanan]

Digital album[liwaton | liwaton an gikanan]

Plantilya:Col-2

Collaborative album[liwaton | liwaton an gikanan]

Sangkap na rekording sa opera[liwaton | liwaton an gikanan]

Video album[liwaton | liwaton an gikanan]

Toltolan[liwaton | liwaton an gikanan]