Andrey Damyanov

Gikan sa Bikol Sentral na Wikipedia, an talingkas na ensiklopedya
Andrey Damyanov
Retrato ni Andrey Damyanov
Kamundagan1813
Papradište, Imperyong Ottoman, (ngonyan North Macedonia)
Kagadanan1878
Veles, Imperyong Ottoman (ngonyan North Macedonia)
NasyunalidadOttoman

Si Andrey Damyanov (Bulgarian: Андрей Дамянов; Macedonian: Андреја Дамјанов; Serbian: Андреја Дамјанов) (1813–1878), o Andreja Damjanović[1] arkitekto sa presenteng modernong North Macedonia. An mga trabaho niya kabarali an sobra sa 40ng edipisyo, kadaklan mga simbahan, natugdok sa pag'ultan nin 1835 asin 1878, asin lakop sa kahiwasan nin Vardar asin Morava Valley, na an iba pa ngani nakukua sa Bosnia asin Herzegovina.[2]

Pinaggikanan[baguhon | baguhon an source]

Si Damyanov parati nasasambitan sa mga literatura arkitektural nin Bulgarya asin Serbia, alagad an saiyang biograpiya dai nagbubuyagyag nin espesipikong motibasyon sa likod kan saiyang mga obra.[3] Ngonyan siya nalaladawan bilang “Macedonian master” sa North Macedonia,alagad an identidad na Macedoniano dai pa nabutwa kan mpanahon na idto.[4]

An panandaan ni Andrey Damyanov, naririsa sa mga pader kan Simbahan ni Santo Panteleimon sa Veles, North Macedonia
Serbyong Ortodoksong Katedral sa Sarajevo

Si Andrey Damyanov gikan sa sarong notableng Mijak[5][6] na pamilya nin mga arkitekto, ikonong arkitekto, asin iskultor na gikan sa Debar, solnopang Macedonia, an Renzovski-Zografski-Dospevski.[2] An saiyang lolo iyo si Siljan Renzovski na nasambitan sa pagkonstrukshyon kan Veles-na residensya ni Emin Aga.[7] Para saiya igwang impormasyon na nagtrabaho an grupo niya sa Thrace, Edirne asin Istanbul. An mga aki ni Siljan, Jankula asin Stephen, mga panday man asin nagtrabaho sa Thessaloniki, Drama, Kavala, Serres asin Izmir.[8] AQn qama niya, si Damjan, sqrong paratugdok simbahan sa Gresya. Si Andrey igwang tolong tugang, si Gjorgi na parapinta, si Nikola na paraukit sa kahoy, asin si Kosta, na nagtatabang sainda gabos.[9]

Si Andrey igwang aki, si Dame, na nagtrabaho sa seminaryo asin sa sarong simbahan sa Prizren, asin sa simbahan sa Kosovska Mitrovica.[10] Andrey was the grandfather of the Bulgarian architect and war-time officer Simeon Zografov.[11]

Trabaho asin legasiya[baguhon | baguhon an source]

Monastetryo Osogovo harani Kriva Palanka, North Macedonia, sarong obra ni Andrey Damyanov

Si Damyanov asin saiyang grupo (tayfa) nagparabyahe asin nagtrabaho sa enterong Ottoman Balkans asin an trabaho niya bako lang makukua sa presenteng North Macedonia, kundi sa Serbia asin Bosnia saka Herzegovina man.[2] An saiyang oeuvre kabarali an sobra sa 40ng edipisyo, kadaklan kaini mga simbahan, na saro sa maonabihan iyo an simbahan ni Santo Panteleimon sa Veles (1840), an monasteryong simbahan sa St. Joachim nin Osogovo, harani sa Kriva Palanka (1845), an Holy Mother of God sa Novo Selo harani sa Štip (1850) asin an Santo Nicholas sa Kumanovo (1851) asin pa an mga simbahan na pinahaman niya sa Niš, Nova Crkva, Mostar, asin Sarajevo (Cathedral of the Nativity of the Theotokos). Sa pagkuyog sa mga kahurotan kan saiyang mga Serbyong sponsor, si Damyanov pigkombinar an elementong tradisyonal kan ika-15ng siglo an eskwela arkitektural nin Morava sa Oksidental na elementong baroko nakukua norte kan Savang salog.[2]

Pasib[baguhon | baguhon an source]

Sa pag'onra saiya, sa North Macedonia poon kan Desyembre 28, 1989, an Andrey Damyanov Award iwinawaras sa iisayman na arkitektong may naambag sa kahusayan asin paggantad nin Arkitekturang Macedonia.[12]

Toltolan[baguhon | baguhon an source]

  1. Makuljević, Nenad (2010). "Андреја Дамјанов: архитекта позноосманског Балкана (Arhitekta poznoosmanskog Balkana)". Zbor Matice Srpske Za Likovne Umetnosti 38 (Novi Sad: Matica srpska): 137–150. http://www.maticasrpska.org.rs/stariSajt/casopisi/likovna_38.pdf. 
  2. 2.0 2.1 2.2 2.3 Journal Balkanologie by Bernard Lory, December 2002, retrieved 3-4-2018
  3. Si "Damjanov regular kaiba sa mga historya nin arkitekturang Serbia na saro siya sa mga enot na mga arkitekto sa estilong “Serbo-Byzantine.” Alagad, maingat na pag'adal kan mga biograpiya asin legasiya kan mga tradisyonal na master builder bihira maghayag kan eksistensya nin sarong nasyonal na motibasyon sa likod kan saindang mga trabaho. Dai ngangalasan, posible pwede omawaon si Andreja Damjanov komo sarong mahusay na “Bulgarian master” sa literatura arkitektural Bulgaro asin bilang “Macedonian master” sa literaturang Macedonia." Roumen Dontchev Daskalov, Diana Mishkova, Tchavdar Marinov, Alexander Vezenkov, Entangled Histories of the Balkans - Volume Four: Concepts, Approaches, and (Self-)Representations, Balkan Studies Library, BRILL, 2017, ISBN 9004337822, p. 488.
  4. "Sagkod kahurihan kan ika-19ng siglo magkasi mga paramasid sa luwas asin idtong mga Bulgaro-Macedoniano na igwang etnikong agimadmad nagtutubod na saindang grupo, na ngonyan duwa nang nasuhay na nasyonalidad, binibilog nin sarong banwa, an apod mga Bulgaro. Kay an mga parabasa dai magintyende kan ano man na reperensya sa inaapod na etnikong Macedoniano sa Tangang Anoy alagad nagluluwas sa mga kasuratan na moderno. Kan Tangang Anoy asin sagkod sa ika-19ng siglo, an terminong ‘Macedoniano’ inuusar sa sarong geograpikong rona, siisayman an nag'eestar sa laog kan lugar na ini anoman an nasyonalidad pwedeng aporon na Macedonian...Maski siring, an pagkawara' nin nasyonal na agimadmad kan mga nakaagi bakong rason na sayumahan an mga Macedoniano nin nasyonalidad sa presente." "The Early Medieval Balkans: A Critical Survey from the Sixth to the Late Twelfth Century," John Van Antwerp Fine, University of Michigan Press, 1991, ISBN 0472081497, pp. 36–37.
  5. Influence of the Mijac Builders (on the Development of the Buildings and Building) on the Balkan Peninsula Webarchive|url=https://web.archive.org/web/20180620001656/https://mijaci.com/2017/01/19/influence-of-the-mijacs-builders-on-the-development-of-the-buildings-and-building-on-the-balkan-peninsula/ |date=2018-06-20 at mijaci.com, 19-1-2017, retrieved 3-4-2018
  6. ST. NICOLAS at satelit.com.mk
  7. name="mijaci"
  8. name="mijaci"
  9. Saint Panteleimon the Great Marthyr - protector of Veles and its people Webarchive|url=https://web.archive.org/web/20180403234835/https://www.mia.mk/en/Inside/RenderSingleNews/325/132831052 |date=2018-04-03 at Macedonian Information Agency official website, 3-10-2015, retrieved 3-4-2018
  10. name="mijaci"
  11. name="kroraina">"120 years from the birth of Simeon Damyanov Zografov", Maria Paskaleva, "Macedonia" newspaper, ed. 24.
  12. Library of Congress Subject Headings. Library of Congress. 2007. Retrieved 27 April 2018. 

Mga panluwas na takod[baguhon | baguhon an source]