Jump to content

Angèle Dubos

Gikan sa Bikol Sentral na Wikipedia, an talingkas na ensiklopedya
Angèle Dubos
A New Song (1879)
KamundaganLaure Constance Angèle Dubos
(1844-12-22)22 Desyembre 1844
L'Aigle, France
Kagadanan26 Nobyembre 1916(1916-11-26) (edad 71)
NasyunalidadPranses
AgomPierre Louis Bourdon

Si Angèle Dubos (22 Desyembre 1844 − 26 Nobyembre 1916) sarong babaeng Pranses na pintor gikan Normandy.Si Dubos namundag sa pangaran na Laure Constance Angèle Dubos, kan 1844 sa L'Aigle, amihanan kan Pransya.

Biograpiya

[baguhon | baguhon an source]

Namundag kan 1844 sa departamento nin Orne, si Angèle nakanood magpinta sa Paris komo estudyante ni Charles Chaplin (1825-1891), sarong Pranses na pintor.[1][2] Sa pakapoon pa sana, an saiyang mga trabaho nakaapod na nin pagreparo. Kaya kan saiyang pigpaeksibit an La Prière sa Salon kan 1866, sarong kolumnista sa magasin na Le Foyer nagtaram "... a talent that announced itself in such a naive and touching way, revealing serious and good qualities, auguring very well for the artistic future of Miss Dubos."[1]

Siya aktibong gayo sa mga paeksibit sa arte, magin man sa Paris o sa luwas kaini, poon 1867 abot 1884. Kan 1873, nasikwit niya an medalyang bulawan sa eksibisyon sa Caen kan saiyang pintang Rolande.[3][4] An pinta binakal kan munisipalidad para sa museo kaini. An teknik ni Dubos naapresyar na gayo kan saiyang mga kagurubay asin kritiko.[3] Kan 1876, sarong kritiko durante kan Salon nin 1876 kun saen pigpaeksibit niya an pinta niyang La Sultane nagkomento: "Siya napinta sa magian na paagi, may gama-gama, alagad sa pasil asin malumok na pagkurit." Kan 1886, duman sa La Revue Normande et Parisienne, siya naonambitan bilang saro sa marayrahay na pupilo ni Chaplin kan saiyang pinadayaw an pinta niyang Le Déjeûner de Mlle Rose.[5][6]

Si Angèle nag'agom ka edad nang mga 50 kan Hunyo 1901 ki Pierre Louis Bourdon, postmaster nin Corrèze.[6]

An saiyang pinturang The New Song, petsado 1879, nakabali sa 1905 book Women Painters of the World.[7]

Siya myembro sa Norman Academy[8] asin an saiyang kagadanan dai determinado alagad pinapamugtak na 26 November 1916.

Mga piling obra

[baguhon | baguhon an source]
  • La Prière (1866)[8]
  • Rolande (1873)[8]
  • In room (1876)[8]
  • La Sultane (1876)[8]
  • A New Song (1879)[8]

Toltolan

[baguhon | baguhon an source]
  1. ↑ 1.0 1.1 "Le Foyer : industrie, littérature, théâtre / propriétaire gérant : Lescuyer fils". Gallica (in English). 1866-06-07. Retrieved 2022-02-12. 
  2. ↑ texte, Académie normande Auteur du (1886). "La Revue normande : littéraire & artistique : organe mensuel de l'Académie normande / directeur : Albert Hüe". Gallica (in English). Retrieved 2022-02-12. 
  3. ↑ 3.0 3.1 L'Artiste: revue de l'art contemporain (in French). 1873. 
  4. ↑ Liesville, A.-R. de Auteur du texte (1873). Six heures à l'exposition de Caen / par A.-R. de Liesville (in English). 
  5. ↑ Liesville, Alfred Robert Frigoult de (1836-1885) Auteur du texte (1876). Les artistes normands au Salon de 1876. III / par A. R. de Liesville (in English). 
  6. ↑ 6.0 6.1 "Angele Dubos (1844-1916)". Masterpieces | Tutt'Art@. Archived from the original on 2022-02-12. Retrieved 2022-02-12. 
  7. ↑ Women painters of the world, from the time of Caterina Vigri, 1413-1463, to Rosa Bonheur and the present day, by Walter Shaw Sparrow, The Art and Life Library, Hodder & Stoughton, 27 Paternoster Row, London, 1905
  8. ↑ 8.0 8.1 8.2 8.3 8.4 8.5 texte, Académie normande Auteur du (1885). "La Revue normande : littéraire & artistique : organe mensuel de l'Académie normande / directeur : Albert Hüe". Gallica (in English). Retrieved 2022-02-12. 

Mga panluwas na takod

[baguhon | baguhon an source]
Kinua sa "https://bcl.wikipedia.org/w/index.php?title=Angèle_Dubos&oldid=276875"