Ang Makina ni Mang Turing
An librong Ang Makina ni Mang Turing sarong nobelang pigsurat ni Ramon Guillermo. Ipinublikar ini sa irarom kan The University of the Philippines Press kan taon 2013. Igwa ini nin 18 na kapitulo. An nagdisenyo kan takop kan libro iyo si Ericson Acosta. Sa likod man na parte kan libro, yaon an mga tugon sa pagkakawat nin sungka.[1]
Manungod sa kagsurat
[baguhon | baguhon an source]Si Ramon Guillermo sarong katabang na propesor sa Departamento kan Filipino sagkud Panitikan kan Pilipinas, kolehiyo kan arte asin Literatura sa Unibersidad kan Pilipinas sa Diliman. Sya man an kagsurat kan mga koleksyon nin tula sa librong Agaw-Liwanag kan High Chair kaidtong taon 2004. Sya man an nagin tagapalis sa Filipino kan surat Aleman na mga gibo ni Walter Benjamin. Sa Filipino, igwa ini nin titulong Hinggil sa Konsepto ng Kasaysayan. Mantang sa Aleman, igwa ini nin orihinal na titulong Uber den Begriff der Geschichte. Ini pigluwas man sa Alemanya kan taon 2013.
Susugan
[baguhon | baguhon an source]- ↑ Guillermo, Ramon. Ang Makina ni Mang Turing. University of the Philippines Press. 2013