Anggulo
Sa Euclideyanong heometriya, an anggulo (Ingles: angle) iyo an pigura na namokna nin duwang ray, inaapod bilang gilid kan angulo, na pinagsasaro nin sarong huring-punto na inaapod bilang bertiko kan anggulo.[1] An mga anggulo na namokna kan duwang ray iyo yaon sa plano (patag) na minasakop sa mga ray.
An mga anggulo iyo napoporma man nin interseksyon kan duwang plano. Ini an inaapod na angulong dihedral. An duwang nagsasabatan na kurba iyo pigtatawan man nin kahulugan an anggulo, na iyo an anggulo nin mga tanhento sa punto nin interseksyon. Halimbawa, an isperikal na angulo na naporma nin duwang dakulang bilog sa ispero iyo parehas sa dihedral na angulo sa tahaw nin mga plano na yayaon an mga dakulang bilog.
An anggulo iyo nagagamit man sa pagdesigna sa sukol nin anggulo o kan rotasyon. An sukol na ini iyo an rasyo kan laba nin sirkular na arko sa radiyus kaini. Sa kaso nin heometrikong anggulo, an arko iyo nakatahaw sa bertiko asin pigdedelimitahan kan mga gilid. Sa kaso nin rotasyon, an arko iyo nakasentro sa tahaw kan rotasyon asin pigdedelimatahan nin iba pang punto sagkod an imahe kaini sa rotasyon.
