Angkor Wat

Gikan sa Bikol Sentral na Wikipedia, an talingkas na ensiklopedya
An Angkor Wat
Mapa kan Kambodya kun saen ipinapaheling an kinamomogtakan kan Angkor Wat

An Angkor Wat (sa khmer Ângkôr Vôtt /ɑŋkɔr vɔt/)(sinusurat man, Angkor Vat) antigong templong relihiyoso namumugtak sa Angkor, Kambodya asin konsideradong mga yaman arkeolohiko kan kinaban. Ini pigtugdok para ki Hading Suryavarman II kan kaamayan nin ika-12 siglo bilang templo kan saiyang estado asin bilang kabiserang syudad kan saiyang kahadian. Ini komo nasaray na haros bilog, an templo nagsirbing sentro nin relihiyon inot para sa Dyos na Vishnu kan mga Hindu asin sumunod para sa mga Buddhist. Sinasabing ini an pinakadakulang edipisyo relihiyoso sa bilog na kinaban.[1]

An templo ginibo sa klasikong estilo kan arkitekturang Khmer. Nagin nang simbolo na mismo kan Kambodya ini, mala ta nakatala sa saindang bandera nasyunal. Ini man an mayor na atraksyon para sa mga bisitang turista. An Angkor Wat may duwang plano sa arkitekturang Khmer: an templong bukidnon na hitsura asin an templong pigtangga-tangga, basado sa arkitektura kan South Indian Hindu, na saro sa tatandaan iyo an Jagati. An disenyong ini pigrerepresentar an Bukid Neru, an erokan daa kan mga deva nin mitolohiyang Hindu: sa laog kan naglilikos na foso (moat) asin nin palibot na pader 3.6 kilometro an laba (2.2 milya) iyo an tulong mga rektanggulong galeriya, na lambang saro mas garo-gantad sa inot. Sa sentro kan templo nakatindog an quincunx na mga tore. Bakong arog kan kadakulan kan mga templong Angkor, ini nakaaatubang sa sulnopan; an mga iskolar dai nagkakauruyon kun ano an kahulugan kaini. An templong ini inaaraan na gayo huli sa saiyang makapugol-hinangos na gayon, kan saiyang harmoniya sa arkitektura, asin kan mga bas-relief asin mga devatas (mga anghel na bantay) nagsasamno sa saiyang mga lanob.

An modernong pangaran na Angkor Wat, buot sabihon "Templo nin syudad"; an taramon na Angkor hale sa nokor, sarong katagang Sanskrito नगर nagara, "kabisera" o "syudad". An Wat tataramon na Kmer para sa templo. Bago kan apod na ini, an templo bisto sa arapudan na Preah Pisnulok, titulo para sa nagadan nang kagtugdas kaini na si Suryavarman II. [2]


Toltolan[baguhon | baguhon an source]

  1. "Angkor Temple Guide". Angkor Temple Guide. 2008. Retrieved 31 October 2010. 
  2. "Angkor Vat". APSARA Authority. 2004. Retrieved 27 April 2008.