Angulo

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An angulo na naporma kan duwang ray gikan sa sarong bertiko.

Sa Euclideyanong heometriya, an angulo (Ingles: angle) iyo an pigura na namokna nin duwang ray, inaapod bilang gilid kan angulo, na pinagsasaro nin sarong huring-punto na inaapod bilang bertiko kan angulo.[1] An mga angulo na namokna kan duwang ray iyo yaon sa plano (patag) na minasakop sa mga ray.

An mga angulo iyo napoporma man nin interseksyon kan duwang plano. Ini an inaapod na angulong dihedral. An duwang nagsasabatan na kurba iyo pigtatawan man nin kahulugan an angulo, na iyo an angulo nin mga tanhento sa punto nin interseksyon. Halimbawa, an isperikal na angulo na naporma nin duwang dakulang bilog sa ispero iyo parehas sa dihedral na angulo sa tahaw nin mga plano na yayaon an mga dakulang bilog.

An angulo iyo nagagamit man sa pagdesigna sa sukol nin angulo o kan rotasyon. An sukol na ini iyo an rasyo kan laba nin sirkular na arko sa radiyus kaini. Sa kaso nin heometrikong angulo, an arko iyo nakatahaw sa bertiko asin pigdedelimitahan kan mga gilid. Sa kaso nin rotasyon, an arko iyo nakasentro sa tahaw kan rotasyon asin pigdedelimatahan nin iba pang punto sagkod an imahe kaini sa rotasyon.

Toltolan[liwaton | liwaton an gikanan]

  1. Sidorov, L. A. (2001) [1994], "Angle", Encyclopedia of Mathematics, EMS Press