Antonio La Viña

Gikan sa Bikol Sentral na Wikipedia, an talingkas na ensiklopedya

Si Antonio Gabriel Maestrado La Viña (namundag kan Oktubre 22,1959) sarong Pilipinong abogado, edukador asin ekpersto sa pankalibutan na polisiya. Dating Undersecretary kan Department of Environment and Natural Resources (DENR), Executive Director kan Manila Observatory, asin Dean kan Ateneo School of Government, nagtutukdo sya ngunyan nin batas, paggogobyerno, asin pilosopiya sa Ateneo de Manila University, University of the Philippines, De La Salle University, Xavier University, San Beda University, Polytechnic University of the Philippines, Lyceum of the Philippines University, Pamantasang ng Lungsod ng Maynila (City University of Manila), Far Eastern University, Ateneo de Zamboanga, Liceo de Cagayan, asin Philippine Judicial Academy. Lain pa sa mga responsibilidad na ini, si La Viña direktor kan Energy Collaboratory kan Manila Observatory. Nagin Chair man sya (sagkod Hunyo 2019) kan Partnership Council, Partnership for the Environmental Management of the Seas of East Asia. Siring man, sya nagin Chair of the Board of Trustees kan Forest Foundation of the Philippines sagkod Setyembre 2020.

Edukasyon[baguhon | baguhon an source]

Namundag si La Viña sa Cagayan de Oro sa abogado asin akademikong si Gabriel La Viña asin Mrs. Lourdes Chavez Maestrado-La Viña, na ngapit iyo an masirbing konsehal para sa Syudad nin Cagayan de Oro asin aking babayi ni Silvino Dacapio Maestrado, dating Kongresista para sa Inot na Distrito kan Probinsya nin Misamis.[1] Sya an tugang na nguhod nin dating SSS Commissioner asin DOT undersecretary Jose Gabriel "Pompee" La Viña.

Naggradwar sya sa Ateneo de Manila University kan 1980 nin Batsilyer sa Arte sa Pilosopiya. Pakatapos magtukdo nin pilosopiya sa Ateneo asin Xavier University, nagkua sya nin abogasya sa UP College of Law sa Unibersidad kan Pilipinas Diliman. Nag-ikatulo sya sa 1989 Philippine Bar Examination (saro sa mga kaklase nya iyo si dating Philippine Defense Secretary asin Kongresistang Gilbert Teodoro, na iyo an nanginutan sa bar kan taon na idto[2]). Si La Viña dakol na taon nagin propesor nin batas sa UP kan dekada 1990, asin bilang abogado sa karapatan pantawo asin kapalibutan na naglilingkod sa mga katutubo asin iba pang lokal na mga komunidad.

Puon 1991 sagkod 1995, si La Viña nag-atindir sa Yale Law School sa New Haven, Connecticut, para sa saiyang digri sa Master of Laws asin Doctor of Juridical Science. Sa Yale, nagtutok sya sa internasyunal na batas asin palakaw sa kapalibutan asin nagsurat nin disertasyon manungod pagbago nin klima. Ipinublikar an disertasyon sa sarong libro (Climate Change and Developing Countries: Negotiating a Global Regime) kan Institute of International Legal Studies kan University of the Philippines Law Center.

Karera[baguhon | baguhon an source]

Mantang nag-aadal sa University of the Philippines College of Law, binilog nya an Rights and Natural Resources Center-Kasama sa Kalikasan (LRC) kaiba sinda Supreme Court Associate Justice Marvic Leonen, Dr. Gus Gatmaytan kan Ateneo de Davao University, asin Atty. Nonette Royo na direktor kan International Land and Forest Tenure Facility na nakabase sa Stockholm, Sweden. An LRC organisayon sa karapatan pantawo asin kapalibutan. Sya nagin Direktor kan Research and Development kan LRC puon 1987–91 dangan puon 1993–96.

Kan 1996, sa edad na 36, pignombrahan syang Undersecretary for Legal and Legislative Affairs of the Department of Environment and Natural Resources (DENR). Bilang Undersecretary, an saiyang opisina pinagduon an mga karapatan kan mga katutubo asin mga lokal na komunidad, episyente asin patas na akses sa hustisya sa mga administrabong pagdedesisyon, publikong partisipasyon, asin consensus building sa mga pankapalibutan na pagdedesisyon, asin inobatibong programa sa regulasyon na pangkapalibutan[3]. Kaiba sa mga trabaho nya an paglilingkod bilang Crisis Manager kan DENR, kun sain kinaputan nya an simbag kan departamento sa Marcopper mining disaster.

Dugang pa, sya an panginot na negosyador para sa Pilipinas sa pagpapautob kan Conventions on Biological Diversity asin Climate Change puon 1996–1998, kun sain minidbid sya bilang panginot na negosyador para sa developing countries sa pagnegosyar kan Kyoto Protocol on Climate Change asin kan Cartagena Protocol on Biosafety. Nagsirbi sya bilang Undersecretary sagkod Hunyo 1998.

Puon 1998 sagkod 2006, sya an direktor kan Biological Resources Program and Senior Fellow in Institutions and Governance of the World Resources Institute sa Washington D.C.,[4] kun sain natangruan sya nin haralangakaw na posisyon sa mga internasyunal na organisasyon.

Kan 2006, buminalik si La Viña sa Pilipinas tanganing akuon an imbitasyon na magin Dekano kan Ateneo School of Government (ASoG), asin nagsangli ki Acting Dean Antonette Palma-Angeles. Huli sa saiyang administrasyon, nabisto an ASoG bilang nanginginot na susugan sa Pilipinas nin mga bagay dapit sa paggogobyerno sa kapalibutan asin pagbago kan klima, pigraranihan kan estado, civil society, asin internasyunal na mga organisasyon para sa pagdisenyo asin pag-implementar kan lokal asin nasyunal na palakaw sa kapalibutan (e.g., pagbago kan klima asin disaster risk reduction[5], REDD+[6]). Nakaresibi man ini nin pagmidbid sa pagtulod kan mga pag-adal, adbokasiya, asin mga partnership sa social accountability, reporma sa pulitika, inclusive development asin inobasyon, asin social entrepreneurship.

Dugang pa sa mga papel na ini, naglingkod sya bilang parakonseho sa delegasyon kan Pilipinas sa United Nations Framework Convention on Climate Change (UNFCCC), asin Coordinator kan 2011-2012 para sa Grupo of 77 asin Tsina sa Ad Hoc Working Group on the Durban Platform for Enhanced Action on Climate Change.[7] Syya nagsirbe bilang mayor na facilitator para sa mga negosasyong Reducting Evisions from Deforestation and Degredation-Plus (RED+) sa irarom kan UNFCCC puon 2009 sagkod 2011. Sya an pamayong negosyador asin spokesperson kan delegasyon kan Pilipinas durante kan mga panklimang negosasyon sa Paris kan 2015.

An iba pang posisyon ni La Viña sa korporasyon asin polisiya iyo an minasunod:

  • Myembro, Board of Trustees, Manila Obserbatory[8]
  • Myembro, Board of Trustees, Manila ObservatoryMember, Board of Trustees, Center for International Environmental Law (CIEL).[9]
  • Myembro, Board of Trustees, Southeast Asia Regional Initiatives for Community Epowerment (SEARICE)
  • Si La Viña dating myembro kan Board of Trustes kan Bioversity International (nakabase sa Rome, Italy) asin Center for Forestry Research (CIFOR, nakabase sa Bogo, Indonesia). Sya nagin Chair, Board of Trustees, Institute for Social Entrepreneurship in Asia (ISEA)[10]

Publikasyon[baguhon | baguhon an source]

Bilang sarong akademiko, abogado, asin eksperto sa kapalibutan, si La Viña nakasurat asin nakasuysoy nin kadakol na mga libro, antolohiya, monograpo, asin mga journal na artikulo, na kadaklan dapit sa mga topiko asin isyung pankapalibutan. An saiyang eksperensya sa mga isyung pankapalibutan an nagdara saiya sa pagsurat kan tsapter dapit sa batas asin kasong pankapalibutan para sa Benchbook for Philippine Trial Judges (Revised and Expanded); Philippine Law and Ecology (Vol. 1: National Laws and Policies[11] asin Vol. 2: International Treaties and Rules on Procedure), an huring duwa kaiyan katiripunan nin mga batas, internasyonal na mga instrumento, mga kasong legal, asin komentaryo dapit sa konstelasyon kan pankapalibutan na polisiya asin hurisprudensya sa Pilipinas.

Nagmamatinir sya nin duwang-beses-sarong-semanang kolum, an "Eagle Eyes," sa Manila Standard Today, asin nag-aambag sa Rappler, kun sain sya nagkokomentar dapit sa mga isyu sa kapalibutan, sosyo-ekonomikong pag-uswag, paggogobyerno, asin mga presenteng pangyayari. Nagmamantinir man sya nin kolum, an "The Riverman's Vista", sa MindNews.[12]

Personal na buhay[baguhon | baguhon an source]

Kinasal si La Viña ki Maria Carmen Bonto-La Viña, sarong psychotherapist. Igwa sindang tulong aking lalaki.

Susugan[baguhon | baguhon an source]

  1. ↑ Lluch, Enrico (December 9, 2010). "The Leverage of Principles". Sun-Star Cagayan de Oro. Retrieved March 10, 2013.
  2. ↑ Tiongco, Maritoni; Beatriz Bermundo; Katreena Cosme; Eliza Ferolino (May 1, 2010). "'Scary brilliant' guy, zero social, love life". Philippine Center for Investigative Journalism. Retrieved 10 March 2013.
  3. ↑ Goldoftas, Barbara (2006). "Ch. 6: "No Need Cement"". The Green Tiger: The Costs of Economic Decline in the Philippines. Oxford University Press.
  4. ↑ "Tony La Viña: Commentary Response Author". World Resources Report. Retrieved 20 March 2013.
  5. ↑ "ASoG gets NDRRMC Seat". Ateneo School of Government Disaster Risk Reduction and Climate Change Adaptation (DRR-CCA) Program. March 13, 2013. Retrieved 20 March 2013.
  6. ↑ Philippine REDD-plus Strategy Team. "The Philippine National REDD-plus Strategy". (Ateneo School of Government listed as a participating institution in cover page; La Viña as consultation participant in pp. 75 and 79)
  7. ↑ "Antonio La Viña's Twitter post". August 31, 2012. Retrieved 15 March 2013.
  8. ↑ "About The Manila Observatory: Board of Trustees". Manila Observatory. 2012. Archived from the original on 14 August 2012. Retrieved 25 March 2013.
  9. ↑ "About CIEL — Board of Trustees". Retrieved 25 March 2013.
  10. ↑ "Membership". Institute for Social Entrepreneurship in Asia. Retrieved 28 March 2013. (La Viña listed as one of the founding members of ISEA)
  11. ↑ "University of the Philippines College of Law". 2013. Retrieved 25 March 2013. The UP Law Centennial Textbook Writing Project announces the release of three new books: "Issues and Questions: Technology, the Law and You" by Prof. Gigo Alampay, "Philippine Law and Ecology (Vol. 1: National Laws and Policies)" by Antonio G.M. La Vina, and "Universal Human Rights: A Reality in the Constitution of the Philippines" by Dean Froilan M. Bacuñgan.
  12. ↑ "Posts by Antonio G. M. La Viña". MindaNews. Retrieved 28 March 2013.
Kinua sa "https://bcl.wikipedia.org/w/index.php?title=Antonio_La_Viña&oldid=235970"