Anwar Ibrahim

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon

Si Anwar bin Ibrahim (namundag Agosto 10, 1947) sarong pulitikong Malayu na nagsirbe komo Katuwang na Poon Ministro poon 1993 abot 1998. Sa mga enot na taon kan saiyang karera, siya kaugos na alyado ni Primer Ministro Mahathir bin Mohamad alagad pagkahaloy siya nagluwas na iyo an nangengenot na paratuyaw kan gobyerno ni Mahathir.

Kan 1999, siya nasentensyahan nin anom-na-taon na pagkapreso huli sa kargong korupsyon, asin kan 2000, sa siyam naman na taon sa kargong sodomia. Kan 2004, an Korte Federal binaliktad an ikaduwang sentensya asin siya pinalungkas. Kan Hulyo 2008, inaresto naman siya sa soboot binakla' niya an saro sa tauhan niya, alagad siya napawa'ran-sala kan Enero 2012.[1]

Kan Agosto 26, 2008, si Anwar ginana an reeleksyon sa Permatang Pauh by-election asin nakabalik sa Parlamento bilang lider kan oposisyon Malayu. An saiyang itinotolod iyo an liberalisasyon, na kaiba na diyan an sarong indpendienteng hudikatura asin libreng media ngane malabanan an korupsyon na lakopan, na sabi niya pigtotolod na an Malaysia sa gati nin kamugtakan na 'bagsak na estado'.[2]


Mga panluwas na takod[liwatón | liwaton an gikanan]

Toltolan[liwatón | liwaton an gikanan]