Araneta City
(2017-08-13).jpg)
An Araneta City (literal na palis iyo Syudad nin Araneta), midbid dati bilang an Araneta Center, iyo sarong 35-hektarya (86-acre) na sentro nin pankomersyo sa Syudad nin Quezon, Filipinas. Mahihiling sa Barangay Socorro sa Cubao, asin sa pagsabatan nin duwang panginot na tinampo, an Epifanio de los Santos Avenue (EDSA) asin Aurora Boulevard, an lugar minatao nin bakalan, kakanan, lingaan, istaran, opisina, lodging asin parking na mga pasilidad sa kabilogan nin complex asin pigduduman nin lagpas 1 milyon na tawo urualdaw, huli ta harani ini sa mga terminal nin transportasyon, kaiba an mga istasyon nin dalang-bakal nin MRT Line 3 asin an LRT Line 2.
Mahihiling sa laog kan complex iyo an mga bistong istruktura arug kan Gateway Mall, an Araneta Coliseum, an New Frontier Theater, Ali Mall, Farmers Market, asin Farmers Plaza. An entirong complex iyo kagsadiri kan ACI, Inc., sarong subsidiyaryo kan Araneta Group, na minasirbi man bilang an tagahaman asin tagapangataman kan pankomersyong lugar. An ACI, Inc. iyo an sa presenteng nanginginot sa pagpapauswag kan lugar pakatapos kan pirang taon nin dae-pagkadagos asin mga isyu, na obheto an paghaman sa lugar bilang sarong "garden city" asin igwa nin mga dugang na edipisyo, shopping malls, asin iba pang haralangkaw na mga pasilidad sa laog kan complex, na iyo makokompleto suboot sa 2030.[1][2]
Mga panluwas na takod
[baguhon | baguhon an source]Toltolan
[baguhon | baguhon an source]- ↑ "Success runs deep: The story of the Philippines' Araneta Family". Philippine Primer. October 6, 2016. Retrieved March 5, 2017.
- ↑ "Rediscovering The Glory Of The Araneta Center". Tatler Philippines. Retrieved July 23, 2020.
