Aristotle

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Aristotle

Si Aristotle (/ˈærɪˌstɒtəl/;[3] Griyego: Ἀριστοτέλης Aristotélēs, sinasayod [aristotélɛːs]; 384–322 BC)[4] sarong pilosopong Griyego kan antigong panahon, namundag sa Stagira, Chalkidice, sa hanggilid na amnayan kan Klasikong Gresya. Kabali ni Plato, si Aristotle iyo an konsideradong "Ama kan Pilosopiyang Solnopan", huli ta gikan sa saiyang mga katokdoan an mga paagi kun paano an tamang pagsabot asin pakanood kan mga problema asin metodo nin pag'uusisa manongod sa buhay asin pagbuhay, mga kaaraman na minana asin nagtaong giya kan modernong kinaban.[1]

An saiyang ama, si Nicomachus, nagadan kan siya aki pa asin si Proxenus kan Atarneus an nagin ama-ama niya. Sa edad na 17 o 18 siya nag'ayon sa Akademya ni Plato sa Atenas, asin nagpirmi siya duman sagkod edad na tolong polo pito (c. 347 B.C.). An saiyang mga nasurat nagduduta' sa manlaenlaen na urulayon- kabali an pisika, biolohika, soolohiya, metapisika, lohika, aestetika, rawit, teatro, musika, rehtoric, sikolohiya, linggwistika, pulitika, asin gobyerno- na minabilog kan pinakaenot na komprehensibong sistema kan pilosopiyang Solnopan. Pakagadan ni Plato, si Aristotle naghale nang Atena asin sa pakiulay ni Felipe II kan Macedon, pinagtukdoan si Alexander the Great kan 343 B.C.[2]

Sarong posikit na parasurat, na kadakul mga kaisipan naitala sa haros gabos na sanga nin kaaraman, si Aristotle hustong gayong nagtaong mga bagong ideya na grabeng impluensyang dinara sa gabos na sanga nin kadunongan. Si Aquinas simple siyang binansagan na "An Pilosopo" huli kaini. Si Aristotle nagsurat nin sobra sa 200 na treatise alagad 31 sana an nadudukayan na lang . Kadakulan daa kaini mga yaon sa pormang mga kayas-kayas sana asin mga kinurit na mga manuskrito sa pag'andam niya sa mga lektura na dai man tinuyong ipabasa sa mga parabasa. Kaya an mga ini dai nagpapahiling kan sinasabing mahusay na istilo sa pagsurat niyang mga prosa, bagay na nakaganyat siya nin kadakulon na mga parasunod kabali na diyan pati si Romanong Cicero. Si Aristotle iyo an pinakaenot na nagpisan-pisan kan kaaraman humano sa mga manlaen-laen na disiplina siring sa matematika, biolohiya, etika. An iba pa ngani kaini ginagamit pang klasipikasyon.[3][4]


Toltolan[liwaton | liwaton an gikanan]

  1. [1] www.britannica.com.Kinua 08-18
  2. [2] www.history.com.Kinua 08-02-18
  3. [3] www.iep.utm.edu. Kinua 08-02-18
  4. [4]plato.stanfordc.edu. Kinua 08-02-18