Asif Alif Zardari

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Asif Ali Zardari

Si Asif Alif Zardari (Urdu: آصف علی زرداری‎, Sindhi: آصف علي زرداري; namundag Hulyo 26, 26, 1955) sarong pulitikong Pakistani asin ngonyan kapwa-segunda pamayo kan Partido Popular nin Pakistan. Siya nagserbing ika-11 Presidente kan Pakistan poon 2008 sundo 2013. Siya an pinakaenot na napili sa eleksyon na demokratiko na nakatapos kan bilog niyang terminong limang taon. Sarong Sindhi gikan sa sarong tribung Baloch an ginikanan, si Zardari nagsakat sa prominenteng kamugtakan kan naagom niya si Benazir Bhutto kan 1987 kan an huri iyo an presidente. Mala ta magkapirang katongdan an saiyang tinukawan sa pag'oltan kan mga taon na 1993 abot 1996; sa ikaduwang administrasyon ni bhutto, siya nagin Federal Investment Minister, dangan Chairperson kan Pakistan Environmental Protection Council (PAEC).

Inaresto siya kan 1996 sa kargong korupsyon kan magrampaog na an administrasyon Bhutto. Dawa nakukulong, siya nabotohan sa katongdan na bilang myembro kan Asamblea Nasyunal kan taon 1990 asin sa Senado kan 1997. Pinaluwas siya sa preso kan 2004. Dangan siya nagluwas Pakistan, nag'estar sa Dubai alagad nagbalik kan Desyembre 2007 kan naasisinar an agom niyang si Bhutto. Kan mag'eleksyon heneral kan taon 2008, siya an namayo sa saiyan g Partido bilang kapwa-segunda pamayo kan PPP asin n agbilog nin koalisyon na napwersa si Musharraf na magdemitir sa pwesto asin ta siya napiling magtukaw Presidente kan Septyembre 6, 2008.

Mga panluwas na takod[liwaton | liwaton an gikanan]

Toltolan[liwaton | liwaton an gikanan]