Ateismo

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Simbolong dinadara kan mga ateo

An ateismo iyo an dai pagtubod sa paniniwala na igwang Diyos o mga diyos.

An ateismo sarong pagtubod na hayag nagsasabi mayo man talagang Diyos o mga diyos asin yaon sana man sa paghuna'huna kan ibang tawo na igwa nin siring. An ateismo naggikan sa Griyegong kataga' na ἄθεος (atheos), na boot sabihon "mayong mga diyos", sarong paagi nin pagtaram na patuya' para duman sa mga tawong nagsasayum asin habong magtubod sa mga diyos na sinasamba kan kadakulan sa sosyedad. Sa paglakop sa mga pilosopiya nin libreng pag'iisip, pagsisiyasat na may pagduda asin an pagtalubo kan mga pagtuyaw mismo sa relihiyon, an aplikasyon kan katagang 'ateismo' nagkipot: an mga enot na indibidwal na binibisto ninda an sadiring mga "ateo" yaon nabubuhay kan ika-18ng siglo kan nag'uso an Panahon nin Kaliwanagan. An Rebolusyon Pranses pagsulwak, na nabibistong gayo sa "dai pighunang pagkapopular kan ateismo," nagsaksi sa pinakaenot na hiron pulitika sa historya na an pigtotolod na maigot asin tinata'wan timbang iyo an rason nin tawo.

Mga argumento para sa ateismo nalabyog poon sa pilosopikal asin historikal na pagpaliwanag. Mga rason sa dai pagtubod sa mga diyos-diyos, kaiba diyan an argumento na mayo man talagang tunay na ebidensya (empirikal) na mataong tibay sa pagtubod sa mga diyos; na bakin igwang karara'tan; an argumento na dakul an dai nag'ooroyon sa mga sinasabing mga rebelasyon; an dai pag'ako sa mga konseptong mayo pwedeng masala sa paghuna, asin sa argumentong kun talagang may Diyos tunay asin mapangyare, ano ta an tawo dai siya tolostolos madiskubre asin maaraman na yaon?

Totoo an mga ateo mayong sarong paniniwala sa dai pagtubod ninda asin iba-iba an kinukugos asin tinutungkosan na mga pilospiya. Dakul na ateo nagtataram na an ateismo sarong pagtanaw-sa-kinaban na maimot asin an nagtutungkos sa teismo iyo an magtaong hustong argumento sa pagprobar kan katotoohan kan "pagkayaon" kan Diyos.

Huli sa manlaenlaen an tinutungkosan na pagtubod-tubod kan mga ateo, dai madeterminaran kun pira sinda talaga. Sa Gallup International poll na ginibo kan 2015 na an pig'interbyu 64,000 na parasimbag, 11% an "kumbinsidong mga ateo" manta na an mas amay na poll kan 2012, nakuang 13% kan mga hinapot "kumbinsidong mga ateo." Sa European Union na survay kan Eurobarometer, 20% an nagsabi na mayong pagtubod sa anoman na "Diyos o espiritu".



Toltolan[liwaton | liwaton an gikanan]