Avel Bacudio

Gikan sa Bikol Sentral na Wikipedia, an talingkas na ensiklopedya
Si Bacudio sulot an saiyang sadiring disenyo

Si Avel Bacudio sarong fashion designer gikan sa Buhi, Camarines Sur. Saro siya sa mga minimidbid sa industriya kun sain an saiyang mga disenyo ginawadan pagmidbid sa Asian Fashion Grand Prix Contest (1998), Fashion Connections Singapore (2000), asin sa Young Fashion

Designers Show sa Tsina. Taon 2012, ginawadan siya kan Metro Magazine bilang Breakthrough Designer of the Year. Dangan kan 2014, siya minidmid bilang Asia’s Most Influential Designer sa Mercedes-Benz Stylo Asia Fashion Week sa Malaysia. Kabilang sa mga inspirasyon niya bilang taga-disenyo iyo an mga lokal asin internasyonal na modistang arog ni Inno Sotto, Cesar Gaupo, Alexander McQueen, asin Ralph Lauren.

Saro siya sa mga fashion designer na inimbitaran ni First Lady Liza Marcos sa Palasyo Malacañang para sa mga Pilipinong modista. Kaiba niya sinda Mark Bumgarner, Albert Andrada, Francis Libiran, Ivarluski Aseron, Puey Quiñones, asin JC Buendia. [1]

Si Bacudio an kagdisenyo kan sulot na sarawal (shorts) kan sarong hurado sa Binibining Pilipinas 2022 durante kan banggi nin koronasyon. An huradong si Cece Asuncion, an direktor kan Slay Model Management na sarong kompanyang nakabase sa Estados Unidos, nagin kontrobersyal huli sa saiyang postura sa pormal na okasyon, na naka-Barong Tagalog, sarong bag na hitsurang telepono na gibo ni Zarah Juan, asin sarawal gamit an telang gibo sa Mindanao.[2]

Toltolan[baguhon | baguhon an source]

Hilnga man[baguhon | baguhon an source]