Béla Lajta

Si Béla Lajta (1911)

Si Béla Lajta (hanggan 1907 Béla Leitersdorfer) (Óbuda, 23 Enero 1873 – Vienna, 12 Oktobre 1920) sarong prominenteng Hunggarong arkitekto.

Karera

Si Lajta nagtapos kan saiyang degree sa Budapest Technical University asin madalian nagtrabaho ki Alajos Hauszmann bago nagsarong taon may kabanga sa Italya, na haros sa Rome. Durante kan panahon na idto, siya nagsibot man sa pagpintura asin pag'iskultura. Dangan siya naghubo asin nagtrabaho sa Berlin asin sa London. Nagbalik siya sa lugar niya kan 1899 ta nagpartisipar sa sarong kompetesyon sa pagdesenyo nin sinagoga na saiyang ginana an primer premyo. An enot niyang trabaho kan 1900 iyo an pwesto kan Banda sa musika sa kalye nin Kossuth Lajos, na saiyang natapos kan 1900. Si Ödön Lechner iyo an masasabing dakulang impluwensya saiya kan panahon na idto. Sindang duwa may pigtarabangan na mga proyekto sa Kozma Street Cemetery na iyo an kripto ni Schmidl. Siya man nagdesenyo nin mga edipisyo sa estilo nin Hunggarong Art Nouveau, na naapod na szecessziósa Hunggarong tataramon, na an maunabihan na gayo iyo an harong ni Rózsavölgyi sa Budapest duman sa Szervita square.

Kan 1909 siya nagdesenyo, sa estilong Art Deco kan Parisiana, Paulay Ede utca, Budapest, ngonyan New Theatre (Új színház).

Siya nagadan sa hubin pang edad kan madapoan nin helang na magabat.

Kataytayan nin mga ladawan

• 
  Új színház, Budapest
• 
  Lulubngan ni Lajta Béla
• 
  Harong ni Vatrogasna
• 
  Harong ni Vatrogasna, ibang anggulo
• 
  Leitner-Hecht na edipisyo
• 
  Daratangan kan Sementeryong Hudyo
• 
  Mausoleo Thalmayer

Mga panluwas na takod

• Béla Lajta Virtual Archives