Bagyong Abby (1983)
| Bagyo (JMA scale) | |
|---|---|
| Category 5 super typhoon (SSHWS) | |
 Typhoon Abby on August 8 | |
| Nabuo | August 4, 1983 |
| Nawara | August 24, 1983 |
| (Extratropical pagkatapos kan August 18) | |
| Duros | 10-minute sustained: 220 km/h (140 mph) 1-minute sustained: 270 km/h (165 mph) |
| Pressure | 895 hPa (mbar); 26.43 inHg |
| Mga gadan | 2 direct, 5 indirect |
| Mga danyos | Minimal |
| Apektadong lugar | Japan, Philippines |
| Parte kan 1983 Pacific typhoon season | |
An bagyong Abby, bisto sa Pilipinas bilang bagyong Dingding, an panduwang bagyo na tuminama sa Japan kan Agosto 1983. Inot ining namataran sa sur sirangan kan Guam kan Hulyo 31, naklasipika kan Agosto 5 asin kinonsiderar bilang tropical storm sa sumunod na aldaw. Madaling kuminusog an bago kan nagliko ini pasiring sa norte kan Agosto 7 asin 8. Maski nagluya an kusog kan duros kaini pagkatapos abuton an kusog na 140 mph (225 km/h) kan Agosto 9, kuminusog giraray an darang duros kaini kan Agosto 11. Kan Agusto 14, inabot na sana sa 100 mph (160 km/h) an kusog kan bagyo mantang pag-abot kan Agosto 17,bago pa tuminama sa kadagaan kan Japan, tulos na ining luminuya asin kinonsiderar giraray na tropical storm. Kan sumunod na aldaw, nagin extratropical cyclone ini kan maagi sa centrong parte kan Japan. Padagos man na inantabayanan kan mga meteorologists ang hiro kan bagyo sa sumunod na anom na aldaw.
Sa Pilipinas, nagdara ini nin makusog na uran na nagresulta sa pagguho nin daga na nakadistroso nin harong sa Manila asin naggadan sa tolong tawo. Duwa man na iba pa ang nalamos nin huli sa bagyo.
Nagdara man ini nin makusog na uran sa sur asin centrong parte kan Japan. Nin kan pirang aldawon na uran, nagkawsa ini nin commercial traffic sa daga, dagat, asin himpapawid na nagpinder sa maabot na 25, 900 na mga pasahero. 3,400 man na mga barutong pansira an napinder sa paglawod asin aabuton na 3,400 man ang harong na binaha, 24 duman an naraot na padagos.