Balaklaba

Iba-ibang paaging pagsulot kan balaklaba

Ginansilyong tolong-labot na balaklaba

An balaklaba (Ingles, balaclava) sarong soklob sa payo na tahob an payo, an liog asin tinatahoban pa an parte kan abaga asin haros mga mata, dungo asin nguso sana an nahihiling. Ini ginagaramit kan mga paratukad bukid, mga nag-eeski, asin kan mga yaon sa militar orog na kun habong mabisto ta importante an identidad ninda dapat dai maisihan. An "balaclava" hale sa lugar kun saen nagkaigwa nin Batalya sa Balaclava durante kan Gerang Crimea, sarong banwang harani sa Sevastopol, Crimea.

Kaya an balaklaba ginagamit sa rason na ligtas an paghiro sa panahon na sobrang lipot o sobrang alpog arog kan desyerto, proteksyon sa mga operasyon militar ngani dai mabisto o sa mga gibong hilom sa tuyong matago an pagkatawo o sa rason relihiyoso arog kan soklob (jihab o niqab ) kan mga babaeng muslim.