Balut (kakanon)

Inubakan na sugok na balut

Balot sa Nabua

An balut

An balut sugok nin itik na pinahilomloman sa incubator nin 17-21 aldaw, depende sa gustong paluwason kaini sa pagkabalut, linala'bonan, dangan kinakakan pagkaubaki kan tibulaka. Ini komun na pigtitindang soro-somsoman sa Filipinas, asin kakanon man ini sa ibang lugar sa Asya arog kan Laos (khai look ໄຂ່ລູກ sa Lao), Kambodya ((pong tia koon ពងទាកូន sa Kambodiano), asin Byetnam (trứng vịt lộn o hột vịt lộn sa Byetnames). Parati ini kaagom sa pagkakan an serbesa. Sa Tagalog asin Malayo, an balut boot sabihon "napapatos".

Pag'andam

Sa Filipinas, an mga parakakan-balut gusto asin-asinan ini o idotdot sa suka na may sili asin bawang ngane magtaong dagdag na namit. An siram nakukua sa pinagsalak na lumoy asin tagas kan siyo na namimilog pa sana saka an sabaw-sabaw igdi hinihigop bago ubakan. An gabos pwede konsumohon alagad an kaputian (albumen) pwede matagas asin garo goma na, huli ta lampas na sa bilang nin pagbilog. Ini pigsisirbe na bilang pampagana o abri-gana , linuluto kasalak sa adobo, pinipritos o kasalak nin pastries. Sa Byetnam, an balut kinakakan sa simit nin asin, tagok nin lemonsito, asin rinunot na paminta na may dugang pang dahon mint inaapod nindang rau ram. Sa Kamboya, kinakakan an balut sa laog kan tibulaka na mainit pa, may bodbod na lemonsitong kinaagan diit na paminta.

Sa Tsina an siring na preparasyon inaapod na maodan (Chino: 毛蛋; pinyin: máo dàn; literalmente: "sugok na may balukag"), modan (Chino: 末蛋; pinyin: mò dàn; literalmente: "sugok na madali na"), wangjidan (Chino: 旺雞蛋; pinyin: wàng jīdàn; literalmente: "sugok na hinugasan") o huozhuzi (Chino: 活珠子; pinyin: huózhūzi; literalmente: "buhay na pisog"). Sinasabing dinara kan mga Intsik daa an ideya nin paglutong balut sa Filipinas pero ngonyan may sadiri naman na paagi an mga Filipino sa pagluto asin pag'andam kaini. Sa Filipinas, inaako na an praktis nin pagluto kaini mas hararom nang gawe sa banwaan nin Pateros.

Mga panluwas na takod

• [1]Balut: The Filipino Delicacy that makes the World Squirm. Kin ua 5-04-15.
• [2]The 6 Most Terrifying Food in the World. Kinua 5-04-15.