Tangga-tanggang Paroyan kan Banawe

Litrato kan Hagdan-hagdang Palayan kan Banawe

Hagdan-hagdang palayan sa Banaue, Ifugao

An Tangga-tanggang Paroyan kan Banawe iyo idtong mga tinanggang tanoman paroy makukua sa mga banwaan nin Batad asin Bangaan, sakop kan probinsya nin Ifugao, Filipinas. Ini sinasabing nag'eedad nang duwang ribong taon na, na pigkalkal sa mga gilid kan mga bukid kan Ifugao kan mga gugurang na nagbaranwa igdi. An mga tinanggang paroyan yaon sa langkaw na 1500 na metro (5000 pye) sa lebel kan dagat. Ini pinapatubigan kan mga pasakil hale sa mga kakadlaganan sa itaas kan mga nasabing paroyan. Kun ini daa pagsurumpayon poro sa poro, matalikop ini kabanga kan globo. Ini inaapod na "Ikawalo sa mga Ngangalasan nin Kinaban" susog sa UNESCO bilang sarong "World Heritage Site". Inaapod ining payew sa katutubo nin tataramon sa Ifugao.

An mga Ifugao hanggan ngunyan nagtataranom pa sa mga tangga-tangang tanoman nin mga paroy asin mga gulayon dawa totoo dakul nang mga hubin mas gustong mag'ibang hanap-buhay. An mga tangga daa nagkakaproblema na ta nagtuturupas asin dakulang problema an paghirahay kaini. Kan nagpaltik kan taon 2010, an mga tangga nagpanggang na marhay kan bulan na Marso kan taon na idto.

An Tangga-tangang Paroyan kan Banawe

Kahalagahan sa Pagmidbid

Kultura sa Paroy kan Ifugao

An Bulol, sarong diyos kan paroy sa Ifugao.

Mahihiling an mga hagdanang-tanuman sa banwaan kan Ifugao asin nagin taga ataman kaini an mga taong Ifugao. Nag-iikot an kultura kan Ifugao sa paroy, asin nagbubunga an kultura kan mga masalimuot na celebrasyon na konektado sa ritong pagtanom puon sa pag-ataman kan paroy hanggang pagkakan nin kaini. Kun minsan kaipuhan kan kapistahan nin pasasalamat sa panahon nin ani, habang tigbabawalan an trabahong agrikultural kan ritong pagtapos nin pag-aani na inaapod na tango o tangul (sarong aldaw na paghingalo). Nabubuo an pakikisumaro sa bayah (alak-kanin), kakanin, at mani ng areka sa dae mamidbidan na kaugalian sa mga celebrasyon.