Tangga-tanggang Paroyan kan Banawe
An Tangga-tanggang Paroyan kan Banawe iyo idtong mga tinanggang tanoman paroy makukua sa mga banwaan nin Batad asin Bangaan, sakop kan probinsya nin Ifugao, Filipinas. Ini sinasabing nag'eedad nang duwang ribong taon na, na pigkalkal sa mga gilid kan mga bukid kan Ifugao kan mga gugurang na nagbaranwa igdi. An mga tinanggang paroyan yaon sa langkaw na 1500 na metro (5000 pye) sa lebel kan dagat. Ini pinapatubigan kan mga pasakil hale sa mga kakadlaganan sa itaas kan mga nasabing paroyan. Kun ini daa pagsurumpayon poro sa poro, matalikop ini kabanga kan globo.
An mga Ifugao hanggan ngonyan nagtataranom pa sa mga tangga-tangang tanoman nin mga paroy asin mga gulayon dawa totoo dakul nang mga hubin mas gustong mag'ibang hanap-buhay. An mga tangga daa nagkakaproblema na ta nagtuturupas asin dakulang problema an paghirahay kaini. Kan nagpaltik kan taon 2010, an mga tangga nagpanggang na marhay kan bulan na Marso kan taon na idto.
Ini inaapod na "Ikawalo sa mga Ngangalasan nin Kinaban" susog sa UNESCO bilang sarong "World Heritage Site".
