Bernabe Buscayno
| Bernabe Buscayno | |
|---|---|
| Mga/Palayaw | Kumander Dante |
| Alyansa | New People's Army |
| Taon kan Serbisyo | 1969–1976 |
| Mga labanan/Mga giyera | CPP-NPA-NDF conflict |
Si Bernabe Buscayno, bantog man sa arapodan na Kumander Dante, iyo an kagtogdas kan Bagong Hokbo nin Banwa (Ingles: New People's Army), an sangang militar kan Partido Komunista nin Filipinas.
Mga enot na taon
[baguhon | baguhon an source]Si Bernabe Buscayno saro sa walong aki nin sarong tios na pamilya na mga sakada sa Capas, Tarlac. Kan an saiyang ina nagadan sa tuberkolosis kan mga taon 1960 asin an saiyang sarong tugang na babae nagadan man sa meningitis, an saiyang ama dai na kayang buhayon an mga iba pang kaakian, pinagmarhay na ipaampon an mga ini. Si Buscayno, na saro nang bagong-tawo, naghanapbuhay komo sarong paratapas nin tubo na nagkikita nin 18 pesos sa sarong semana. Sa edad na hubin pa, namoon siya sa sarong pag'alsa ngane mapirit an hasenderong kagsadiri na langkawan an saindang mga tandan. Saro man na para-oma, dating kaapil sa mga Huk, pig'alok siyang mag'apil sa Partido Komunista nin Filipinas sa edad na 17 anyos asin binansagan siyang "Dante".[1][2]
Buhay rebolusyonaryo
[baguhon | baguhon an source]Sa pagpoon an NPA igwa sanang 35ng myembro na 10 sanang riple an kapot. Ini hustong duminakula sa mga 26,000 na myembro sa kasagsagan kaini kan mga 1980- ngonyan tinatanya na igwa na sana ining kaapil sa pag'oltan 6,000-10,000 susog sa C.I.A.)- na nagtutumang sa rehimen ni Marcos asin lakop sa bilog na Filipinas. Alagad, si Buscayno natoklo' man giraray kan Septyembre 1976 sa edad na 32 sa inapod na kampanyang "Operation Scorpio" kan militar. Siya nagin sarong rebolutionaryo sa laog nin 32 na taon. [3]
Kan magputok an EDSA Revolution, pakalihis nin 10 taon poon kan maaresto si Buscayno, si Presidente Aquino pinagboot na paluwason pirang gatos na prisonerong pultikal asin si Buscayno saro sa napaluwas sa preso. Siya, kairiba kan ibang mga lider na makawala, nagorganisar kan Partido nin Banwa (Tag. Partido ng Bayan) kan 1987 asin nagdalagan bilang kandidato para senador alagad siya dai nakaluwas. Kan parehong taon, siya pinagngataan na gadanon alagad siya nabuhay pero duwa niyang kaiba natigpo. Nagbalik siyang Capas, Tarlac kun saen nag'oma na sana siya asin nag'organisar kan People's Livelihood Foundation-Tarlac Integrated Livelihood Cooperative (PILF-TILCO) kan 1988. Alagad kan 1991 nagtuga an Bulkan Pinatubo asin ini nagratak na gayo sa kahiwas-hiwas na omang agrikultural sa Luzon, orog na sa Tarlac asin ta an kooperatiba niyang tinogdas padagos nawara kan 1994. Kan 1999, an Departamento sa Agraryong Reporma pinagwarasan si Buscayno asin saiyang pamilya nin Sertipiko nin Pagrorogaring kan saindang daga. Kan 2000 si Buscayno nagpundar naman nin sarong kooperatiba, an Tarlac Integrated Agricultural Modernization Cooperative (TIAMC) na boot magin moderno an pag'uuma na gamit an makinarya poon sa pagtanom abot sa pag'ani.[4]
