Bhairavi
Si Bhairavi (Sanskrito: भैरवी) iyo an sarong diosang Hindu, na ilinadawan bilang saro sa mga Mahavidya, an sampulong avatar kan inang diosa. Siya an konsorte ni Bhairava.
Ikonograpiya[baguhon | baguhon an source]
.jpg)
An saiyang dhyana shloka sa Devi Mahatmya linaladawan an saiyang porma. Siya nakatukaw sa sarong lotus asin igwa siya nin apat na takyag, an saro igwa nin kapot na libro, an saro igwa nin kapot na rosaryo, an saro igwa nin abhaya mudra asin an saro pang kamot igwa nin varada mundra. Siya nakasulot nin pulang gubing asin nakasulot nin garland nin mga payong pinugot nakapuripot sa saiyang liog. Igwa siya nin tulong mata asin an saiyang payo inadornohan nin crescent na bulan. Sa ibang porma siya may bitbit na espada asin tasa na may laog na dugo asin an ibang duwang kamot nagpapahiling nin abhaya asin varada mudras. Siya man ilinaladawan bilang nakatukaw kay Shiva, kun saen urog na predominante sa tantrikong pagsamba. Siya man linaladawan bilang sarong reyna, urog na kaagid ni Rajarajeswari.[1]
Si Tripurabhairavī sinasabing nakaestar sa muladhara chakra. An saiyang mantra kompwesto nin tulong letra asin sinda makaporma nin bugsok na trianggulo sa tahaw kan muladhara chakra. Siya an kaglalang sa muladhara chakra sa porma kan kamarupa, kun saen nagkokompwesto nin tulong tuldok nagpoporma nin bugsok na triaangulo, gikan sa kun saen an gabos na triads namundag, kun saen ultimadong nagigiya pasiring sa paglalang kaining uniberso. An pinakanglaog na triaangulo kan muladhara chakra iyo midbid bilang kamarupa. An tulong punto kan trianggulo igwa nin tulong bijaksaras (banal na mga letera) asin an tulong bijaksaras nakakonektar sa kada saro sa paagi kan mga gilid kan trianggulo asin an kada saro sa mga gilid na ini nagrerepresentar sa iccha sakthi, jnana sakthi asin kriya sakti o an Gikan sa Dios na kabotan, Gikan sa Dios na kaaraman asin Gikan sa Dios na aksyon. Si Tripura Sundari asin si Tripura Bhairavi magkaagid alagad magkaiba. Si Tripura Bhairavi iyo posited bilang an latent na enerhiya alagad si Tripura Sundarī na iyo an nagkakawsa kaining latent na enerhiya nganing maotob asin hiroon ining enerhiya paitaas pasiring sa urog kahalangkaw na chakras till Sahasrara Chakra.[2]
Toltolan[baguhon | baguhon an source]
- ↑ Johnson W. J. (2009). A Dictionary of Hinduism. Oxford: Oxford University Press. ISBN 9780198610250.
- ↑ Ravi V. "Tripura Bhairavi". Mahavidyas. Archived from the original on August 7, 2016. Retrieved June 4, 2016.
