Bing Crosby

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Bing Crosby
Si Bing asin Kathryn Crosby kan 1976
an bitoon ni Bing Crosby sa Hollywood Walk of Fame

Si Barry Lillis "Bing" Crosby (Mayo 31 1903 - Oktubre 14, 1977) sarong Amerikanong popular na parakanta asin aktor. [1][2][3] An saiyang karera naghunat nin kabangang siglo puon 1926 sagkod na sya nagadan.

Saro sa sinasabing multimedyang artista, poon 1934 sundô 1954, si Bing Crosby haros mayong karibal pag-abot sa bentahan nin mga rekord, sa rating nin paradangog sa radyo asin sa takilya nin mga sinehan. Binistong gayo na saro sa pinakapopular na pasaling musikal sa lantad nin historya, si Crosby binibisto man na iyo an nagin inspirasyon kan mga kalalakihan na mga parakanta kan panahon na idto, siring ki Frank Sinatra, Perry Como, asin Dean Martin.

An Yank magazine (Magasin kan mga Amerikanong soldados) pinagbisto si Crosby na iyo an nakapakusog na gayo kan buot kan mga Amerikanong suldados kan ika-2ng Gerang Pangkinaban, asin kan kalatawan kan mga taon nya, mga taon na 1948, an mga poll dineklara syang iyo na "an pinaka-admiradong tawo na buhay" asin nakaungos pa siya ki Jackie Robinson asin ki Santo Papa Pius XII.

Saiyang mga tokda'[baguhon | baguhon an source]

Si Crosby may 15ng kanta na sya an katuwang sa pagtukda. An saiyang tukda na "At Your Command" nagin numero 1 nin tulong semana sa U.S. pop singles chart kan 1931, puon kan semana nin Agosto 1, 1931. An "I Don't Stand a Ghost of a Chance With You" iyo an pinakalataw na saiyang komposisyon, na pinagrekord ni Duke Ellington, Linda Ronstadt, Thelonious Monk, Billie Holiday, asin ni Mildred Bailey. An mga kanta na may kakompos sya iyo an mga minasunod:

  1. "That's Grandma" (1927), katuwang si Harry Barris asin James Cavanaugh
  2. "From Monday On" (1928), katuwang si Harry Barris asin pigrekord kan Paul Whiteman Orchestra tampok si Bix Beiderbecke sa cornet
  3. "What Price Lyrics?" (1928), katuwang si Harry Barris asin Matty Malneck
  4. "At Your Command" (1931), katuwang si Harry Barris asin Harry Tobias
  5. "Where the Blue of the Night (Meets the Gold of the Day)" (1931), katuwang si Roy Turk asin Fred Ahlert
  6. "I Don't Stand a Ghost of a Chance with You" (1932), katuwang si Victor Young asin Ned Washington
  7. "My Woman" (1932), katuwang si Irving Wallman asin Max Wartell
  8. "Love Me Tonight" (1932), katuwang si Victor Young asin Ned Washington
  9. "Waltzing in a Dream" (1932), katuwang si Victor Young asin Ned Washington
  10. "I Would If I Could But I Can't" (1933), katuwang si Mitchell Parish asin Alan Grey
  11. "Where the Turf Meets the Surf" (1941)
  12. "Tenderfoot" (1953)
  13. "Domenica" (1961)
  14. "That's What Life is All About" (1975)
  15. "Sail Away to Norway" (1977)

Dugang na hihilngan[baguhon | baguhon an source]

  • Macfarlane, Malcolm. Bing Crosby - Day By Day. Scarecrow Press, 2001. (Find it at Amazon: [1].)
  • Osterholm, J. Roger. Bing Crosby: A Bio-Bibliography. Greenwood Press, 1994. (Find it at Amazon: [2].)
  • Prigozy, R. & Raubicheck, W., ed. Going My Way: Bing Crosby and American Culture. The Boydell Press, 2007. (Find it at Amazon: [3].)

Mga panluwas na takod[baguhon | baguhon an source]

Susugan[baguhon | baguhon an source]