Biringan

Gikan sa Bikol Sentral na Wikipedia, an talingkas na ensiklopedya
An syudad nin Biringan iyo pinagtutubudang nahihiling sa sur kan munisipalidad kan Catarman

An Biringan iyo sarong mitikong syudad na pinagtutubudang yaon sa tahaw nin Gandara, Tarangnan, asin Pagsanghan sa probinsya nin Samar sa Filipinas.

Etimolohiya[baguhon | baguhon an source]

An kahulugan kan Biringan iyo "An Itom na Syudad" o an dae mahihiling na syudad sa Waray, an lokal na lenggwahe para sa “Hanapan kan mga nawawara” sagkod “Birilngan han mga nawawara” sa Waray – kun sain an saro nahihiling an nawarawara.

An alamat[baguhon | baguhon an source]

Saro man an Pangsanghan, Samar sa mga pinagtutubudang lokasyon kan syudad nin Biringan.

An syudad iyo pigsasabing yayaon sa probinsya nin Samar. Pigdedesigna man ini bilang sarong barangay sa Pagsanghan, Samar sagkod sa Gandara, Samar. Segun sa mga lokal na sabi-sabi, an populasyon kan Biringan iyo kinabibilingan nin mga engkanto sagkod sa mga aki ninda sa tawo..[1] An mga engkanto iyo daa kayang magribay nin porma kaparehas nin sa tawo. Sa saindang porma bilang tawo, pinagtutubudang nawawara an saindang parte sa tahaw nin dungo asin ngabil.[2]

Paranormal na mga engkwentro[baguhon | baguhon an source]

Dikiton na bilang nin tawo an nagsasabi na nahiling na ninda an syudad. Pirang mga nagbabiyahe sa dagat an nagsasabing may nahihiling sindang "biyong nagliliwanag na syudad" sa bangging mayo nin bulan nin pirang minuto.[1] Ini iyo may deskripsyon bilang sarong magayon na syudad na may haralangkawon na edipisyo sagkod ibang magnipikong mga istraktura na may halangkaw na teknolohiya. Segun sa mga suanoy na istorya, kadaklan sa mga tawo na nagsasabing nakahiling sa nasambit na syudad iyo mga biktima nin posesyon kan demonyo.[3]

May mga bareta na igwang mga imahe gikan sa satelayt kan sarong Hapon na kompanya na nakakahiling nin maliwanag na trakto sa kadagaan nin rehiyon. Huli ngani kaini, an mga Hapon iyo nagtubod na may mayaman na deposito nin bulawan sagkod uranyo sa pinagsususpektahang lugar. Nagtrabaho sinda tulos asin naghaman nin dakulang pantrabahong sityo sa banwaan nin San Jorge, pero an mga misteryosong aksidente asin kamalasan an nagsabat sa proyekto puon pa kan enot. An Hapon na kompanya iyo napwersahan na magpundo nin operasyon sagkod i-abandona an bilog na proyekto bilang sarong paagi para malikayan an pagkalugi.[4]

Toltolan[baguhon | baguhon an source]

  1. 1.0 1.1 "Know the invisible Biringan City in Philippines (Page 1)". India TV. 26 July 2014. 
  2. "Know the invisible Biringan City in Philippines (Page 3)". India TV. 26 July 2014. 
  3. "Know the invisible Biringan City in Philippines (Page 2)". India TV. 26 July 2014. 
  4. "Kapuso Mo, Jessica Soho: The lost city of Biringan". GMA Public Affairs. April 16, 2017. Retrieved 14 April 2017 – via YouTube.