Bitoon ni David
An Bitoon ni David iyo an pangkagabsan na pigmimidbid na simbolo kan kapwa pagkamidbid na Hudyo asin kan Hudaismo.[1] An saiyang korte iyo an hexagram: an kompwesto nin duwang equilateral na triangulo.
Sarong pagguno sa selyo ni Solomon, na ginamit para sa dekoratibo asin mistikal na mga katuyuhan kan mga Muslim asin Kabbalistic Jews, an saiyang pag-adaptar bilang daing siring na simbolo para sa tawong Hudyo asin an saindang relihiyon nagpoon pa kaidtong ika-17 na siglo sa Prague. Kaidtong ika-19 na siglo, an simbolo nagpoon na mahiwas na gamiton sa mga komunidad kan mga Hudyo kan Subangan na Europa, uminabot sa huri na ginamit tanganing magrepresentar sa pagkamidbid na Hudyo o mga relihiyosong pagtubod.[2] Nagin representante iyan kan Zionismo pagkatapos na iyan pilion bilang sentral na simbolo para sa bandera kan Hudyo asin sa Enot na Zionistang Kongreso kaidtong 1897.[3]
Pag-abot kan katapusan kan World War I, nagin iyan na inakong simbolo sa bilog na kinaban para sa mga tawong Hudyo, ginamit sa mga puntod kan mga nagadan na soldados na Hudyo.
Sa ngunyan, an bitoon ginamit bilang sentral na simbolo kan nasyunal na bandera kan Estado nin Israel.
Toltolan[baguhon | baguhon an source]
- ↑ Jacob Newman; Gabriel Sivan; Avner Tomaschoff (1980). Judaism A–Z. World Zionist Organization. p. 116.
- ↑ "The Flag and the Emblem" (MFA).
- ↑ "The Flag and the Emblem" (MFA). "The Star of David became the emblem of Zionist Jews everywhere. Non-Jews regarded it as representing not only the Zionist current in Judaism, but Jewry as a whole."
