Bobsled

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An bobsled
An padaosdosan sa Altenberg, Alemanya

An bobsled sarong klaseng pamaba o daosdosan na pangnyebe na mayong ruweda kundi patuloy sana ngane magdarosdos sa nyebe asin ini ginagamit sa isports orog na sa Pakawat Olimpikong Pangnyebe asin nahuros sa sarong dalan na tuyong hinaman para sa kawat na ini.

An isports na ini nagpoon sa St. Moritz, Switzerland, kun saen si Caspar Badrutt (1848-1904), sarong operador nin mga hotel, naalok niya an saiyang mga bisita na magkawat sa siring na pangnyebeng isports ngane orog na maogmang magbalikbalik sa saindang paggamit kan hotel.[1][2]

An pagkawat kaini[liwaton | liwaton an gikanan]

An pagbobsled sa nyebe kinakaipo nin duwa o apat na suruno sa daosdosan na mapahuros sa dalaydayan na pabulasok asin patos sa yelo. An rikas kaini paghuros naabot 135 m/h (84 mph). Kun arin an pinakamarikas asin enot nakaabot sa paontokan iyo an gana. Parati an ganahan kwestyon sana sa segundo. Nagbutwa an pangaran kaini na bobsled huli kan ugale kan mga naenot na parakawat na nag'uuru-ugdo ngani sa paghuna ninda sa gibong ini mas marikas an dalagan pahuros kan pamaba. Igdi nakua an pangaran kaini.

Mga panluwas na takod[liwaton | liwaton an gikanan]

  • [1]Badrutt's Palace Hotel.


Toltolan[liwaton | liwaton an gikanan]