Boris Nemtsov
Si Boris Yefimovich Nemtsov (Ruso: Бори́с Ефи́мович Немцо́в Pakasayod sa Ruso: [bɐˈrʲis jɪˈfʲiməvʲɪtɕ nʲɪmˈtsof]; Oktobre 9, 1959 – Pebrero 7 2015) sarong rusong pisiko, estadista asin liberal na pulitiko. Si Nemtsov iyo an saro sa importanteng personalidad na nagdara kan kapitalismo sa ekonomiya pakatapos kan rehimen sobyet. Igwa siyang lataw na gayong karera sa pulitika kan mga 1990 sa administrasyon ni Presidente Boris Yeltsin. Poon kan taon 2000, siya maribok na kritiko asin paratuyaw ni Vladimir Putin. Si Nemtsov pig'asasinar kan Pebrero 27 2015 sa sarong tulay harani nanggad sa Kremlin asin Red Square kan Mosku. Binadil siyang apat na beses sa likod.[1][2][3]
Kan siya tinumba, si Nemtsov yaon sa Mosku nagtatabang sa paghaman nin sarong rally kontra sa pagtapsok kan Rusya sa gera sa Ukraine asin sa pagdenunsyar kan krisis pinansya na nagpapatos sa ekonomiya kan Rusya. An pakidingkilan niya sa gobyerno ni Putin nasesentro sa mahiwas na pagsulmok nin pondo nadadamay sa paggigibo kan nagdadangadang na Sochi Olympics asin an pagsahongsahong kan Rusya sa pulitika kan Ukraine asin an paglaog kan militar kaini sa dagang Ukraine. Mga pirang semana bago siya inasisinar, nagboses na siya kan kutob niyang siya ipapagadan ni Presidente Vladimir Putin.
Mga panluwas na takod[baguhon | baguhon an source]
Toltolan[baguhon | baguhon an source]
- ↑ http://www.washingtonpost.com/world/europe/russian-opposition-leader-boris-nemtsov-reported-killed-in-moscow/2015/02/27/972e15f0-becb-11e4-b274-e5209a3bc9a9_story.html Kinua 8-03-15.
- ↑ http://www.telegraph.co.uk/news/worldnews/europe/russia/11441466/Veteran-Russian-opposition-politician-shot-dead-in-Moscow.html Kinua 08-03-15
- ↑ http://www.npr.org/blogs/thetwo-way/2015/02/27/389598306/putin-critic-boris-nemtsov-shot-dead Kinua 08-03-15
