Boy Lado

Gikan sa Bikol Sentral na Wikipedia, an talingkas na ensiklopedya

Si Jerome Martinez Davis (namundag 1993) midbid man sa bansag na Boy Lado' sarong Youtuber asin blogger na may regular na pasali sa social media (You Tube) dara an titulong Boss Ka-reppa', asin nagpapaluwas nin manlaen-laen na episodyo. Siya sarong Filipino-Amerikano, an ama sarong itom asin an ina, Bicolanang taga-Ragay, Camarines Sur. Sa talento niyang ipinahiling, kaya niya an magin aktor, direktor, prodyuser kan sadiri niyang pasali asin siring man kaya an magsagin'sagin sa iba-ibang papel alagad siya mansana an naghihiro iba-iba mansana an sulot representasyon kan saiyang binibidahan.[1][2]

Edukasyon asin trabaho[baguhon | baguhon an source]

Sa elementarya, siya nag'entra sa eskwelahan nin Agro Passion, Apad asin Ragay Central. Nag'estar naman sa Amerika sa saiyang ama, alagad nag'uli sa Filipinas asin nag'estar man sa Naga, Pili asin Partido, kun saen siya nagkua kan saiyang sekundarya. Sa langkaw na 6'2", iniisip kuta niya na magin soldados arog kan saiyang ama, o magin basketbolista sa PBA, alagad nakaisip magin blogger asin prodyuser nin mga pasali sa YouTube na pano nin mga komedya, pangising nanalmingan kan mga ordinaryong buhay-buhay nin filipino mala ta nagparadakul an saiyang parasunod asin paradalan na naabot nang lampas kabangang milyon. Simpleng gamit an ordinaryong Bikol nin kalye na may taplak pasabot kan tinataram niya sa lenggwaheng Tagalog, an mga suki niyang kadakul-kadakul igwa pang nasa luwas kan Filipinas; sa Amerika, sa Middle East asin iba pa.[3][4]

Mga karakter sa Boss-Kareppa[baguhon | baguhon an source]

An istorya nag'iitok sa sarong lalaking paluwas niya siya an pinakamaurag sa saindang baranggay, na an pangaran niya si Boy Lado' na siya daa an kagdaog sa lugar na idto asin an pasabot niya mayo nang matumba saiya duman asin tarakot saiya an mga tawo saiya. Kumbaga, siya an barumbado duman, maisog alagad takot sa saiyang agom na si Linda, na hababa lang na babae, sadit an atado pero kun makataram sweto niya si Boy Lado'. Haros gabos na hinahabol niyang istorya siya an bida, kun dakul man siyang kaulay iba-iba man (ngayang) tawo alagad siya mansana an nagpapapel, sulot sana iba-ibang gubing sa pagpahiling na ibang tawo an kaulay. An pasali parati makapangisi, na kun minsan may mga sitwasyon na maka-urag, alagad igwa man mga episodyo na natutuyawan na sobrang magaspang o dai angay sa sinasabing pulidong paghiro sa sosyedad.[5][6]

Kinua niya an bansag na 'Boy Lado' sa katagang lado' ta ini iyo idtong bungang niyog raot an laog asin dai mapakinabangan.[7]

Mga panluwas na takod[baguhon | baguhon an source]

Toltolan[baguhon | baguhon an source]

  1. Boy Lado, Ini an Totoo, Ernie Verdadero, p. 5, Bicol Mail, Des. 22, 2022 na isyu. Kinua 2023-01-09.
  2. Boy Lado. https://www.bicolmail.net/single-post/boy-lado. Kinua 2023-01-09.
  3. https://www.youtube.com/watch?v=_j2fI8GU3Xo. Kinua 2023-01-09
  4. Boy Lado. https://www.bicolmail.net/single-post/boy-lado. Kinua 2023-01-09.
  5. BOY LADO PART 33 (RESBAK)[[1]]. Kinua 2023-01-09.
  6. Bebyarn. Part 2[[2]]. kinua 2023-01-09.
  7. lado'. Mintz, Malcolm W. Bikol Dictionary. Volume II. Bikol-English Dictionary. Uniprint. Perth, Western Australia. 2004. p. 687. ISBN 0 9580383 5 X. Kinua 2023-01-09.