Brahma Vaivarta Purana

Gikan sa Bikol Sentral na Wikipedia, an talingkas na ensiklopedya
Pinta dapit ki Radha Krishna

An Brahmavaivarta Purana (Sanskrito: ब्रह्मवैवर्त पुराण; Brahmavaivarta Purāṇa) sarong mahibog na Sanskrit na teksto asin sarong mayor na Purana (Maha-purana) kan Hinduismo.[1] Saro ining importanteng tekstong Vaishnavismo. An Puranang ini an mayor na nakasentro sa mga dios nin mga Hindu na si Radha asin Krishna.[2][3][4]

Maski ngani an sarong bersiyon posibleng nag-eksister sa paghinanapos kan ika-1 milenyo CE, an sinundan na bersiyon kaiyan posibleng marhay na isinurat sa rehiyon nin Bengal kan subkontinente nin India.[1][2][3] Kan huri, posibleng marhay na narebisar iyan sa sarong lugar sa Habagatan na India.[2] Kadakol na bersiyon kaining Purana an nag-eksister asin sinasabi na kabtang kan mga manuskrito kan Brahvaivarta Purana o kan Brahmakaivarta Purana.[5]

Bisto an teksto sa pagpabisto ki Krishna bilang iyo an supremong realidad asin pag-insistir na an gabos na diyos arog ki Vishnu, Shiva, Brahma, Ganesha saro asin iyo man sana asin sa katunayan, iyo na an gabos na inakrnasyon ni Krishna.[6] An mga diosa arog ni Radha, Durga, Lakshmi, Saraswati asin Savitri positibo an katumbas asin sinambit bilang mga inkarnasyon ni Prakriti sa tekstong ini, na may kaagid na mga osipon sa Bhagavata Purana asin Devi Mahatmya.[7] An teksto midbid man sa pagmuraway sa mga babaeng aspekto kan dios sa paagi ni Radha asin an mga egalitaryan na mga pananaw na an gabos na mga babae manipestasyon kan banal na babae, kapwa kaglalang kan uniberso, asin an gabos na insulto sa mga kababaehan insulto man ki diosa Radha.[2][8]

An mitolohiya asin mga istorya kan Brahmavaivarta Purana, kaiba an Bhagavata Purana, naimpluwensiyahan kan mga tradisyon na Hindu na may kinaaraman ki Krishna, siring man kan pagbayle asin paggibo nin mga arte arog kan Rasa Lila.[9][10][11]

Sa Purānang ini, si Radha (o Rādhikā), na dai masisiblag ki Krishna, minalataw bilang pangenot na diyosa. Siya iyo an personipikasyon ni Mūlaprakti, an "gamot na naturalesa", na naggikan sa pisog na kun saen an gabos na pormang materyal nag-evolve.Sa pag-iriba kan Purusha ("Tawo," "Spirit," "Universal na kalag") si Krishna, sinasabi na siya nag-eerok sa Goloka, na sarong kinaban nin mga baka asin mga grupo nin baka sa itaas kan Vaikuntha ni Vishnu. Sa banal na kinaban na ini, si Krishna asin Radha may koneksyon sa lambang saro sa kun paano konektado sa kalag an hawak. (4.6.216)[12]

Toltolan[baguhon | baguhon an source]

  1. 1.0 1.1 Dalal 2014, p. 83.
  2. 2.0 2.1 2.2 2.3 Rocher 1986, p. 163.
  3. 3.0 3.1 Hazra 1987, p. 166.
  4. Monier-Williams 1992, p. 740, entry on Brahmavaivarta.
  5. Rocher 1986, pp. 161, 163-164.
  6. Rocher 1986, pp. 161, 163.
  7. Rocher 1986, pp. 161-162.
  8. Gietz 1992, pp. 248-249, with note 1351
  9. Rocher 1986, pp. 161-163.
  10. Kinsley 1979, pp. 112-117.
  11. Richmond, Swann & Zarrilli 1993, pp. 177–181.
  12. Dimitrova & Oranskaia 2018.