Jump to content

Brihadaranyaka Upanishad

Gikan sa Bikol Sentral na Wikipedia, an talingkas na ensiklopedya
Brihadaranyaka Upanishad manuskrito pahina (bersikulo 1.3.1 sagkod sa 1.3.4)

An Brihadaranyaka Upanishad (Sanskrito: बृहदारण्यक उपनिषद्, Bṛhadāraṇyaka Upaniṣad) saro sa Principal Upanishads asin saro sa mga enot na iskriturang Upanishadic kan Hinduismo. An sarong importanteng iskritura sa manlainlain na paadalan nin Hinduismo, iyo an Brihadaranyaka Upanisad ikasampulo sa Muktikā o "kanon nin 108 Upanishads".[1]

An Brihadaranyaka Upanishad pigtatantyang mga ika-6 na siglo BCE, na pigbilog an pirang mga parte na pigtatantyang komponido pagkatapos kan Chandogya Upanishad. An teksto sa tataramon na Sanskrito yaon sa laog kan Shatapatha Brahmana, na mismo parte kan Shukla Yajur Veda.[2]

Sarong tratado sa Ātman (Sadiri) an Brihadaranyaka Upanishad, kaiba an mga teksto sa metapisika, etika asin paghimuyawot sa kaaraman na nakaimpluwensya sa manlaenlaen na relihiyon nin India, suanoy asin edad media, asin nakaakit sa sekondaryong mga gibo na arog kan ki Adi Shankara asin Madhvacharya.[3]

Toltolan[baguhon | baguhon an source]

  1. Paul Deussen, Sixty Upanishads of the Veda, Volume 2, Motilal Banarsidass, ISBN 978-8120814691, pp. 556–557.
  2. Jones, Constance (2007). Encyclopedia of Hinduism. New York: Infobase Publishing. p. 93. ISBN 978-0816073368. 
  3. Brihadaranyaka Upanishad with Adi Shankara's commentary – Swami Madhavananada (Translator)