Buhay Paraoma
Pinaka-enot na rawitdawit na sinurat sa lengguwaheng Bikol asin nagin ambag sa antolohiya na may titulong Ani nin mga Rawitdawit sa An Tambobong nin Literaturang Bikolnon, Tomo 1 Blg. 1 Enero-Marso 2010, p. 3:
- An trabaho sa umahan maogmahon baga
- Pano nin paglaom maski tulak nagharatihit na
- Tangad sa langit baya sabay pangadyeng toda
- Hagad bendisyon nin pansabwag sa pamilya.
- Uya baya sarong paraomang pobre
- Amayong nagpakalagakaga nin tsokolate;
- Ta kasuodma batag, kamoteng kahoy nag-ani
- Kakanon sa pagkaaga, kontentong puwerte.
- An trabaho sa umahan maogmahong pagal
- Kun an isip mo tutok sa bisyo asin sugal;
- Oras nin pag-ani mo kadakol nang buwitre
- Nabubuwisit ka sa parasingil nin utang parati.
- Ordinaryong paraoma maogmahon baga
- bunganga kan misis amay an ratsada;
- mga ake niya udtong luntok turog pa
- ta kasubanggi matanga an uli gikan sa lakwatsa.
- Ordinaryong paraoma suwertehon man baga
- Ta an dagang tanuman ipinagkatiwala saiya
- Kun maluya-luya an maykagsadiri demalas na
- May dakol na dahilan sa aning maluya sabi niya.
- Dae ta man husgaran an maykasadireng pabaya
- Ta bilog an boot niya sa tawong katiwala
- Pero hari baya abusoha nin basang na sobra
- Kalabuso kun minsan kuwartong haluwag pa.
- Iyo ini an buhay nin paraomang mayaman o pobre
- Minasayaw an paglaom sa panahon nagbabayle
- Maski mahalon an abuno sige sanang dale
- Bahala na nuodma kun pirang sako an maaani.