Buhok sa yukyok
An bukok sa yukyok (Ingles: underarm hair, axillary hair o armpit hair) iyo an buhok na nagtutubo sa yukyok.
Pagdakula asin gamit[baguhon | baguhon an source]
An buhok sa yukyok, bilang buhok sa hawak, iyo harus minatubo sa poon kan kabagungtauhan na kun sain an pagtubo iyo natatapos sa mga puro kan kabagungtauhan na ini. An importansyang ebolusyon kan buhok sa yukyok kan mga tawo iyo pinag-uurulayan man giraray. Pwede kaini irayo an ganot o iba pang tubig gikan sa palnit, na siyang nagpapalipot digdi. An pagdakol kan bakterya na minagibo nin parong iyo an nairarayo sa palnit.[1]
Kultural na pagmidbid[baguhon | baguhon an source]
Dakul sa mga tawo sa solnopan ngunyan iyo an sanay na inaahit nin babae an buhok sa yukyok. Pero an paglakop kan gaweng ini iyo paibaiba. Relihiyon minsan an dahilan; halimbawa, sa kulturang Islam, an lalaki asin babae iyo hinahalean nin buhok sa yukyok para masunod sa batas ninda dapit sa kalinigan. An paghale sa buhok sa yukyok iyo kaiba sa mga gaweng pangkalinigan asin pangkagayonan na inirekomenda ni Propetang Muhammad (570-632) bilang nasusunod sa fitra nin babae asin lalaki asin poon kaidto iyo minimidbid bilang pangangaipohan kan dakul na Muslim. [2]
Kadakol na mapagkumpitensyang paralangoy an naghahale nin buhok sa hawak, kaiba pati buhok sa yukyok, para gibohon na mas makinis an hawak ninda sa mga karera. Dakul na mga lalaki na nagpapadakula nin hawak an naghahale man nin buhok sa hawak nganing gumayon an itsura ninda, siring kan sa kadaklan nin mga modelo sa manlaenlaen na klase nin erotika.
Sinabi nin Nakababatang Seneca na mapupwedeng karaniwan na gibo ini sa suanoy na Rome: «An saro, sa hiling ko, kasing problemado kan ibong: an sarong klase iyo masyadong maarte, asin an saro iyo masyadong mapabaya; an naenot iyo inaahit an tabay, an nahuri iyo dai man lamang yukyok» (sulat 114).
Sa Solnopan, an gibo iyo nagpoon huli sa mga dahilan na kosmetik, kaidtong 1915 sa US asin UK, kaidtong nagpahiling nin babaeng nakabestida na nakaahit an buhok sa yukyok an mga magasin. An parateng pag-aahit iyo mas nagigibo nang ipinamidbid an ligtas na pang-ahit sa poon kan ika-20 siglo. Dawa na marikas na natood an nagkapira sa mga nasyon nag-iingles, siring kan US asin Canada, dai ini nagin bantog sa Europa sagkod matapos an Ikaduwang Digmaang Pandaigdig.[3]
Toltolan[baguhon | baguhon an source]
- ↑ Paye, Marc; Maibach, Howard I.; Barel, André O (2009). Handbook of cosmetic science and technology (3 ed.). Informa Health Care. p. 703. ISBN 1-4200-6963-2.
- ↑ "Compendium of Islamic Texts". USC. Archived from the original on 5 March 2012. Retrieved 24 March 2012. Unknown parameter
|url-status=ignored (help) - ↑ Hope, Christine (1982). "Caucasian Female Body Hair and American Culture". Journal of American Culture 5 (1): 93-99. doi:.
