Bukid Pulag

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Bukid Pulag
Mount Pulag Summit.jpg
Mga paratukad sa itoktok kan Bukid Pulag.
Pinakahalangkaw na Piye
Elebasyon2,928 m (9,606 ft)[1][2]
2,922 metre Edit this on Wikidata
Prominensiya2,922 m (9,587 ft)[2]
Ranked 106th
Isolasyon668 km Edit this on Wikidata
to 668 kilometre Edit this on Wikidata
Nililista
Tagboan16°35′0.86″N 120°53′0.93″E / 16.5835722°N 120.8835917°E / 16.5835722; 120.8835917Tagboan: 16°35′0.86″N 120°53′0.93″E / 16.5835722°N 120.8835917°E / 16.5835722; 120.8835917
Mga dimensyon
Pagpapangaran
Heograpiya
KinamumugtakanLuzon
NasyonFilipias
Saklaw nin magurangKordilyera Sentral
Heolohiya
Pagtukad
Enot na pagtukadc. 2000 BC kan mga katutubong Ibaloi.
Pinakapasil na rutaAmbangeg Trail

An Bukid Pulag (Filipino: Bundok Pulag; Ilokano: Bantay Pulag[3]) iyo an pinakahalangkaw na alitoktok sa Luzon sa 2,928 metres (9,606 ft) sa itaas kan pantay-dagat, ikatulong pinakahalangkaw na bukid sa Filipinas, asin an ika-26 na pinakahalangkaw na toktok sa sarong isla sa Kinaban. Iyo ini an ikaduwang pinakaprominenteng bukid sa Filipinas na sarong turog na bulkan. Namumugtak ini sa hanggan nin tulong probinsya kan Benguet, Ifugao, asin Nueva Vizcaya, na minanumpongan sa alitoktok kan bukid. Mas halangkaw sana sa Bukid Pulag an Bukid Apo asin Bukid Dulang-dulang.[4]

An Bukid Pulag midbid sa saiyang "kadagatan nin mga panganuron" asin kakaibang tanawon kan Milky Way Galaxy pagdiklom, na nakakaagda nin kadakol na mga turista.

An bilog na bukid tinutubod na iyo an irokan kan mga espiritu nin tinmongao asin iyo an sagradong pahingaloan kan mga kalag kan mga katutunong Ibaloi asin iba pang etnikong tawo sa lugar na iyan.[5]

Kasaysayan[baguhon | baguhon an source]

An mga katutubong Ibaloi kan Benguet pigpipreserbar an saindang mga gadan asin ihinaharong sa mga kuweba sa kabukidan. Pigkokonsiderar na mga pamanang kultural an Kabayan mummy sa irarom kan Presidential Decree No. 432.[6]

An Bukid Pulag pinagdeklarang parke nasyonal sa paagi kan Pres. Proclamation No. 75 kan Pebrero 20, 1987 na may hiwas na 11,550 hektarya.[7] Parte ini kan Cordillera Biogegraphic Zone asin sarong sityong National Integrated Protected Areas Programme (NIPAP).[8]

An parke nasyonal iniistaran kan iba-ibang etnikong grupo arog kan Ibaloi, Kalanguya, Kankana-eys, Karao, asin Ifugao.

Heograpiya[baguhon | baguhon an source]

Ambon sa Bukid Pulag

An Bukid Pulag igwang langkaw na 2,928 metro (9,06 piye). An alitoktok kan bukid yaon sa Banwaan nin Kabayan sa probinsya nin Benguet.

Klima[baguhon | baguhon an source]

Huli sa halangkaw na elebasyon kaini, an klima sa Bukid Pulag subtropikal na kalangkawan na may mga pag-uran na lakop sa bilog na taon. An pag-uran sa bukid na may promedyong 4,489 miles (176.7 m) taon-taon na an Agosto iyo an bulan na basa-basa na may promedyong uran na maabot sa 1,135 miles (44.7 m).

Hilingon man[baguhon | baguhon an source]

Reperensya[baguhon | baguhon an source]