Bulkanolohiya

Sarong bulkanologo na nagsasampol nin lava gamit an sarong gapo na martilyo asin may baldeng tubig

Pagtuga kan Stromboli (Isole Eolie/ Italya), ca. 100m (302) patindog. Pagkabalad kan nagkapirang segundo. An mga dashed-trajectories iyo an resulta kan lava strips na igwang maliwanagon na mainit na gilid asin malipoton na madiklom na parte nag'iitok sa tahaw na aire.

An bulkanolohiya iyo an pag-aadal sa mga bulkan, lava, magma asin sa may kinaaraman sa heolohikal, heopolitika asin heokemikong penomena (bulkanismo). An terminong bulkanolohiya hale sa tataramon na Latin na vulcan. Si Vulcan an suanoy na dios nin kalayo sa Roma.

An sarong bulkanologo sarong heologo na nag-aadal kan pagtugang aktibidad asin pagbilog nin mga bulkan saka an saindang presente asin historikal na mga pagtuga. An mga bulkanologo parateng nagsosongko sa mga bulkan, nangorogna sa aktibong mga bulkan, tanganing maobserbaran an pagtuga nin bulkan, kolektibong produktong gikan sa pagtuga kaiba an tephra (arog baga kan abo o pumice), sampol nin gapo asin lava. An sarong mayor na sentro nin paghapot iyo an prediksyon sa mga pagtuga; sa presente mayo nin eksaktong paagi tanganing magibo ini, alagad an paghula sa mga pagtuga, arog kan paghula nin linog, pwedeng magligtas nin dakol na buhay.

Modernong bulkanolohiya

Kaidtong 1841, an enot na volcanological observatory, an Vesuvius Observatory, minukna sa Kingdom of the Two Sicilies.