Buthaina bint Taimur
Si Sayyida Buthaina bint Taimur Al Said (namundag Oktubre 10, 1937) [1] parte kan real na pamilya kan Oman. Siya lang an aking babayi kan dating Sultan Taimur bin Feisal. An ina niya sarong Hapones, na si Kiyoko Oyama.
Si Buthaina tugang sa ama ni Sultan Said bin Taimur asin tita sa linya nin ama kan mga sultan na si Qaboos bin Said asin Haitham bin Tariq.
Mga Agi-agi sa Buhay
[baguhon | baguhon an source]Buhay sa Hapon
[baguhon | baguhon an source]Kan 1935, nagkabistuhan sa sarong pabaylehan sa Kobe, Hapon, an sarong 19 na taon na Hapones na babayi nagngangaran na Kiyoko Oyama asin an dating Sultan kan Oman na si Taimur bin Feisal, na nagabdikar sa trono.
Pagtapos nin madaling pagpuli sa Oman, si Taimur nagbalik sa Hapon kan 1936, pinakasalan niya si Oyama asin duman naman permanenteng nag-istar. Si mag-agom nag-istar sa mansion kan Fukiai-ku ward kan Kobe, asin kan 1937, sinda nagka-aki na babayi, na si Buthaina, midbid man sa ngaran na Setsuko.
Naputol an mataninong na kaakian ni Buthaina kan magkahilang an saiyan ina nin tuberculosis. Balik-balik sa ospital an ina, asin si Taimur nahadit na siya asin an saiyang ako mahawaan kan hilang, pina-istar niya si Buthaina sa saiyang lola sa ina habang si Taimur nag-istar sulo sa Bombay.
Nagadan si Kiyoko kan Nobyembre 1939.
Kan Mayo 1940, nagbalik si Taimur sa Hapon para lubungon an saiyang agom. Pagkatapos, naghali siya sa Hapon kaiba si Buthaina. [2][3]
Paglipat sa Oman
[baguhon | baguhon an source]Kan 1940, pakahali sa Hapon asin nag-istar nin madali sa Karachi, iniba si Buthaina sa Muscat, Oman. Si Buthaina ikinaag sa pangangataman kan inot na agom kan saiyang ama na si Sayyida Fatima bint Ali Al Said, an ina kan sultan na si Said bin Taimur. [3] Nagdesidir an ama ni Buthaina na ipadakula siya na purong Omani. Nag-agom si Buthaina asin nag-aki nin sarong lalaki. [3]
An tugang sa ama ni Buthaina, na si Sultan bin Taimur, pinapirmi lang sya sa palasyo asin dae pinapaluwas kaiba an saiyang aking lalaki na si Sayyid Qaboos bin Said, na pag-abot nin panahon mapapahali niya sa pwesto asin maging sultan man mismo sa taong 1970. [4]
Kan pakatukaw sa trono, si Sultan Qaboos hinali sa house arrest si Buthaina, asin kan 1978, si Buthaina, nagpuli sa Hapon, kun sain binisita niya an lubungan kan saiyang ina.[3]
Paglaladawan sa Medya
[baguhon | baguhon an source]An Fuji TV nagpalabas nin duwang espesyals patungkol sa istorya ni Sayyida Buthaina bint Taimur Al Said asin an saiyang ina, na si Kiyoko Oyama: sarong episode kan Unbelievable [5] kan 2016 asin The Nonfiction kan 2018.[6]
Mga Toltolan
[baguhon | baguhon an source]- ↑ Shimomura, Mitsuko (1974). アラビアの王様と王妃たち (in Japanese). Asahi Shimbun.
- ↑ Endou, Haru (2009). オマーン見聞録 (in Japanese). Tenbosha.
- ↑ 3.0 3.1 3.2 3.3 al-Madani, Abdullah (2018-11-25). "تيمور بن فيصل.. أول سلطان عاش في اليابان من أهل الخليج" (in ar). Al Bayan. https://www.albayan.ae/five-senses/mirrors/2018-11-25-1.3418260.
- ↑ "Sultan of Muscat and Oman Is Overthrown by Son" (in en-US). The New York Times. 1970-07-27. ISSN 0362-4331. https://www.nytimes.com/1970/07/27/archives/sultan-of-muscat-and-oman-is-overthrown-by-son.html.
- ↑ "国境を越えた愛の物語 〜80年前のシンデレラ〜". Fuji TV (in Japanese). 2016-02-04. Archived from the original on 2016-07-24. Unknown parameter
|url-status=ignored (help) - ↑ "ザ・ノンフィクション: 私の姪はアラブの王女". TVでた蔵 (in Japanese). 2018-03-04. Archived from the original on 2005-12-05. Retrieved 2021-06-16. Unknown parameter
|url-status=ignored (help)