Cairo

Sa Kalye Muizz, Cairo

Tanawon sa Salog Nile

Midan Tala'at Harb, tanawon sa subangan, Cairo, Ehipto

An Cairo (Arabe: القاهرة o Al-Qāhirah), boot sabihon "an Nangana", an [[kabesera]ng siyudad nin Ehipto. Maski an opisyal na pangaran kaini Al-Qāhirah, sa Arabe na Ehipsyo an talagang apud kaini ay Masr, parehas sa pagapud kan mga Ehipsyo sa saindang nasyon. Igwang mga 15.75 na milyon na katawo na nakaistar sa area metropolitana kan Cairo. Ini an ika-16 na pinaká matawong siyudad sa kinàban asin an pinaká matawo sa kontinente nin Aprika.

Heograpiya

Namomogtak an Cairo sa mga palibot nin Salog nin Nilo sa baba kan pagluwas kaini sa dagat nin Mediterraneo. An pinaká gurang na parte nin ciudad ay medyo sa subangan nin salog. Hale digdi, duminakula an ciudad paagi sa sulnopan. Ining mga partidong sulnopan an pinaká bago kan ciudad asin sa siglo XIX ginibo ini ni Isma'il Pasha na arog nin Paris na may manlaelaen na avenida asin mga hardin na publiko. Dakula an pagkaiba kan disenyo kaini sa mas matua na partidong subangan na mas pàno nin tawo asin harongan asin mga mesquita na an pagkatindog dae plinano na marhay. An partidong sulnopan duman nakamogtak an mga harong nin govierno.

Sa sulnopan nin Giza, sa pagpuun nin disyerto, namómogták an campo santong gurang nin Memphis, bilang sa mga ini ay an tulong bistadong piramide, pati na an famoso na Piramide ni Keops (o Gran Piramide nin Giza).

Kamugtakan

Ngonyan, an Cairo iyo an igwang pinakagurang, pinakadakulang Pelikulang Arabo asinindustriya sa musika, asin man iyo an may ikaduwang pinakagurang na institusyon nin halangkaw na adalan, Al-Azhar University. Kadaaklan kan mga internasyonal na medya, negosyo, asin mga organisasyon igwang mga kwartel na rehiyonal sa syudad; an Liga nin Arabo] yaon igdi an saiyang kwartel pakapoon pa sana.

An Cairo may populasyon na sobra sa 10 milyon nakalakop sa 453 km² (175 sq mi), asin ta ini iyo an pinakadakulang syudad sa Ehipto. An dugang na 9.5 milyon habitante nag'eestar harani sa paralibot kan siyudad na ini. An Cairo, arog kan mga inapod na mga megacities, nagtitios sa halangkaw na lebel nin polyusyon asin trapik. An Cairo Metro iyo an saro sa duwang metro system sa Aprika, (an saro pa iyo an sa Algiers, Algeria), asin ini rinaranggong ika-15ng masiboton sa kinaban, na may 1 bilyon pasahero taon-taon. An ekonomiya nin Cairo naranggong pinaka-nangengenot sa Tangang Subangan kan 2005, asin ika-43 sa bilog na kinaban Foreign PolicyPlantilya:'s 2010 Global Cities Index.

Tanawon kan salog Nile sa sentral kan Cairo, naheheling an bandang sulnopan kan Isla Gezira